Nehemia 12:43 - Deduamiti

⁴³ Anu Anutungo sogacsogai kuneng meficgeyemmeecac amma uameme imohai sogacsogaiac sese kuneng megec nga ngacnambarac yeneng ifingoc homac sogaigec. Ifi anggec Yerusalaimnu sogac sogaiac udumeng kuneng feec, imoc ngicngac agac kecgec yeneng negenggec.

Nehemia 12:43 ပူးပေါင်းရင်းမြစ်များ

Nehemia 12:27

Yerusalaim oda desidesi naso hau Lewiareng noboc noboc kecgec yeni Yerusalaimnu dedengerec yegec heima sogacsogaigoc yoming nga gita kpema eriendzong megecdeac kpacyunugec hagec.

Nehemia 12:42

Nammagec Maseia, Tsemaia, Eleadzar, Udzi, Yehohanan, Elam nga Edzer. Ngicguru imoc yeni Yedzerahiaac dederecgeu yegec heigec.

Mitiyegec 27:6

Ye orucna miaru ngabafocna oronnudae, yeni feracyunuma wi namma yenembade. Ni sogaima ubangerec negemma Anutu womongau sese faimima sogac sogaiac yegec heima Kebu yaiyo kpemibade.

Mitiyegec 28:7

Kebu ye kucna nga kasona anu herenango ye negenserima kefude. Ye meficnuu herenango sogaiu ubangerecac yegec heimibade.

Mitiyegec 9:2

Ni ubangerec negemma geac amma sogaibade. O Kuctoa mingina, ni geac kpac kuneng heiwayong memima yegec heibade.

Mitiyegec 92:4

O Kebu, geng ua mekecnec, imocngo ubangerec meficgenenu marigango ua menec, imoc hentegecma sogac sogaiac yegec heibade.

Bangec kisiu 10:10

Nga sogac sogainginau me nasotoanginau me afo mong monggoc gboria ereude, imohai trampet fifima wama fifima wama, ifi anggec arohobesera. Nga sesegerecngina hafoangoc ohogecde nga ruaeac sese ngenahafoc negecde, imohai ifingoc fifigec arohoec imocngo Anutuac kedzacfu udumeng meficgeu yeng negengngemmeude. Ni KebuAnutungina.”

Mataio 21:15

Ye faka kuhagoc ifi meec nga nambarac yeneng womong manau kpacma yofi degec, “Dawidiac bangeha, ohec, hosanna.” Kpacgec womonggareng enara nga mitiac negen negengngic yeneng imoc hemma herebu negemma

Mataio 21:9

Nga ngicngac habutoa kiwau kenggec nga ngadeau modacgec, yeneng kpacma yofi degec, “Ohec waec, Dawidiac kisicfunac, ohec. Ngic Kebuac kpacfu hade, ye kenehagoc. Wi kurumennu kpara dengeregec, ohec waec, hosanna.” (Myeg 118:26)

Yohane 16:22

Ngeni imocacsoc yaguc ubaebicgoc kecdae. Amma monggoc ngenemba imohai ngeni ubangerec negemma sogaigec ngic mongngo sogac sogaingina imoc naric mi meickeude.

Efeso 5:19

Yegec mitikibiu fede nga Tiri Asungo yegec ngemmeude, ngeni imoc heima ubaemenegeng ambisia. Amma ngeni yegec heima musi kpema Kebu ubaherengo dengerebisia.

Yakobo 5:13

Ngenearunac ngic me ngac mongngo ebic goa fingecmiu ye numubeso nga mongngo sogac sogaigoc kefude, yeng afec afeheyegec heibeso.