Nehemia 11:18 - Deduamiti

¹⁸ Lewiareng Anutuac taong kpetiacfu kecgec, yeneac kpetengina 284.

Nehemia 11:18 ပူးပေါင်းရင်းမြစ်များ

Nehemia 11:1

Naso imohai kpebunggac enara yeneng Yerusalaimnu tacngisigec. Anu ngicngac tosea yeneng ngic tennunac mocgu meisinggegec, yeng ine kpetiac taong Yerusalaimnu kemma kefudeac kpeing kpegec. Nga ngicngac tosea 9 yenengsac taongnginasoc kecgecde.

Nehemia 11:17

Amma Matania ye Mikaac medac, Mikango Dzabdiac medac, Dzabdi ye Asafaac medac, Matania yeng ine dedengerec nga nunumuac waraiyemmekefec amma yeac marimefiha Bakbukia nga Abeda. Abeda ye Tsamuaac medac, Tsamua ye Garaac medac, Garango Yedutumgac medac.

Nehemia 11:19

Nagugarenggac enara yohockang Akubu nga Tarimong yereac memeficfocngira meficyuruma nagu garengggeandae, yeneac kpetengina 172.

Danicel 9:24

Yoac yofi deserigec, geac taongga kpetiac nga ngicngacarengga yeneac ebicngina imoc sonda sewenti anu wisickeude. Imohai sing feraheandae imocac faka kpac ambeso nga kopocsicngina kpae faima kopocsicac ngaba meickebesandae. Amma dindingac kekec feengkefude imoc mehabesandae nga kpefinnu onga nga profeteyoac foraya fingecbeso amma kpetiac yeneac Kpetiac yombong kerecdoku nadzicmibesandae.

Mataio 24:15

Profete Danierengo wiac mangac manganea imocac yoac warac deec, imocngo ama kpetiacfu nanu hembesandae. Ngic mong ye yoac yomoc osoude, yeng imoc negentegecbeso.

Mataio 27:53

Yesungo kicsereaunac gborima yaru yeni ngade kicserenginaunac erema taong kpetiac, imohai hama ngic homac fingecyemmegec.

Mataio 4:5

Ifi deu mangana minginango Yesu hesickema taong kpetiacfu kemma Anutuac womong witiau wi yombong, ihai faiu nanu edeec,

Yohaneac kpefing 11:2

Nga sobeng odayagoc amakiwau fede, imoc bangec monnunac ngicngac yemmeyemmea. Imocac amma ge imocac kpete mi mebesena. Yeni afo 42ac manau taong kpetiac tidzamema memanganegecde.

Yohaneac kpefing 21:2

Ni Yohanengo taongtoa kpetiac, Yerusaleng gboria hemba Anutuarunac kurumennunac maec. Mama efaima ngac ngicfu kende, ifi isoc ewebingehaac amma siriha gombunga yombong anudeac memengere ammigec tarec.