Nehemia 10:37 - Deduamiti

³⁷ Amma kifasoc semeng gboria imocac noboha mocgu nedesiac witfora sasawa waracwarac nga ic sasawaac gbomea nga waing amma oliwa icfunac kerec meing, imoc womonggareng yemmeni Anutuninaac amau faikecgec. Nga Lewiareng yeneng taong sasawa nenearunac uaac semennunac tennunac mocgu mekecgec.

Nehemia 10:37 ပူးပေါင်းရင်းမြစ်များ

Nehemia 13:10

Amma Lewiareng semeng mi hendzicyemmegec nga Lewiareng sasawa amma eriendzonggac ngic yeni uangina imoc wama heikpenec sobengnginau monggoc dzigenedacma semengngina homecgec, imocac ifingoc negenai.

Nehemia 13:12

Anu Yehuda yeneng wit nga bali imohanac tennunac mocgu mehagec amma waing gboria nga oliwa kereha mehama amamana nangkenecsoc faidacgec.

Nehemia 13:5

Imocac amma amamana yada imoc wit nga baliac sesememe nga hosuc homung kerengngagoc oho ohoac wiac. Amma womonggac wiac sasawa nga wit bali gbomea gboriaac sese tennunac mocgu nga waing gboria amma oliwa kereha imoc Lewiareng nga eriendzongngic amma odagareng yeneac gosigosia tacande. Amma womonggareng yeneac sese kpekpedzucac mana momoc Eriatsibngo Tobia desimiec.

Nehemia 13:9

Anu amamanau dzuacdzuac ua mema Anutuac amamana imocac wiac sasawa nga seseac wit nga bali amma hosuc homung kerengngagocac wiac monggoc faigecdeac uayoac deyemmeai.

Makekeng 13:12

imohai ngeni nonggo heremanaunac morocmedacfocngina nga ramaburumaka warac warac fingec fingera ngiwa imoc sasawa Kebuac anggecdeac desiyunubisia.

Makekeng 13:2

“Warac warac fingecgecde sasawa yeni neac anggecdeac segereyunuma meisingyunugec neac kpetiacareng amma kecbisia. Isracelareng ngeneac botucnginau ngic me yang nonggo heremanaunac warac warac fingerude, imoc neac ambeso.”

Malecaki 3:10

Anu neac tohong semengagoc anudeac ngeni neac sese tennunac mocgu imoc womonnau hafoangoc mehama faigec. Sing imohai ni tobannu henggec neng deba kurumenggac nagu anggeu kenecnango ngenearu wake wakea feude me kpac imocac hania hemma ni negentegecnugecde.

Malecaki 3:8

Ifi dedaeac yoac yofi deduae, ‘Ngic mongngo Anutuarunac wiac hamangec mekecde imoc mi ngereede ammanu ngeni sifu nearunac wiac hamangec meandae.’ Ifi deba yoac yofi deandae, ‘Neni dafiu gearunac wiac imoc hamangec meing.’ Ifi degecac yofi deduae, ‘Ngeni dzofinac tennunac mocgu amma sesegerec hafoangoc neac sese mi faiandae.

Bangec kisiu 18:15

Nga ngic nga yang tembuc tembuc sasawa kekecnginagoc nenggac heremanaunac warac fingec fingera kebuaru mehagecde, imoc geac andarude. Nga ngic warac fingecgec yeneac turungngina kpoubesena. Amma yangfocngina Kebuac hehenu wonongnginagoc andae, yeneac manau warac fingecgec yeneac turungngina ifingoc kpoubesena.

Bangec kisiu 18:18

Anu fusia sasawa imoc geac anude. Nga mondaha sawau miacma fendzonggegec nga tabuya foiaubigeng imoc ngeneac anude.

Bangec kisiu 18:21

Amma Isracel yeni sese sasawa tennunac mocgu faigecde imoc Lewiac fingecsahe yeneac hendzic hendzira anudeac yemmeduae. Wiac imocngo yeni Kebugoc ewacemeemeac kporucamaac uaya mekecdae, uangina imocac uabung ambeso.

Roma 11:16

Ngeni yaka buma heima waraima Anutu migecdeu yaka sasawa imoc kpetiac anude. Amma ic godea kpetiac andeu fawa sasawa ifingoc kpetiac anude.