Nehemia 1:5 - Deduamiti

⁵ Amma yofi deai, “Kebu kurumenggac Anutu, ge Anutu Engenatoa amma damudamugagoc. Ngicngac geac songo negemma dedeserigango modackecdae geac songoga nga dzadzahacgango yenearu fekecde.

Nehemia 1:5 ပူးပေါင်းရင်းမြစ်များ

Nehemia 2:4

Ifi debare ngictaungo kpesinenec, “Ge nocwiacac anggende?” Deu neng kurumenggac Anutu numumima,

Nehemia 4:14

Faiyunuma hemba ngicngac yeni wosodamugoc nanggec yacma gareng nga ngickiwafocngina amma ngicngac yofi dema edeyunuai, “Ngeni kengec mi anggec, Negendae Kebu ye Kuctoayagoc, imocac ngeni serima namma enengfocngina, naroangfocngina, medacfocngina nga dacmunafocngina amma amagerecngina imocac dzikaha ngenaoc kpebisia.”

Nehemia 4:8

Negemma Yerusalaimnu hama nenigoc dzikac kpema ebic meficgegecdeac sasawango kpedzucnema yoac dedzege anggec.

Nehemia 9:32

Anutunina ge Anutu engenatoa amma kuctoagagoc nga damudamugagoc amma ge dzadzahac mema songoga edzacnunuannec. Imocac ge ngictaufocnina, enarafocnina, womonggarengfocnina, profetefocnina nga esangabofocnina amma ngicngacfocga sasawa Asiriaac ngictau yeneac nasounac erekecma yaguc ebic sasawa fingecnemmede, imoc hemma meficnununa.

Mitiyegec 47:2

Kebu Engenatoa ye bibiagoc, ye bangectoa bangec imocac ngictautoa.

Mitiyegec 76:8

Anutu, ge kurumenga kurumenga fekendae, imohai tacma imohacnac desi desiyoacga dena bangecngo kengec amma waickeec.

Mitiyegec 89:2

Ni yofi deba, “Geng yoac dedzege amma imoc modackecnec, fakaga imoc nasoya nasoya faina fekefude. Ge yoac modac modac Anutu. Kurumenga kurumenga nasosoc fefeseri fekecdae, ifi isoc geac fakaga ifingoc fekefude.”

Mitiyegec 89:3

Geng yofi denec, “Ni ngicna Dawid meisinggema yegoc dzadzahac meba ye kingangngicna anu yofi deserima edeai,

Mitiyegec 89:8

O Anutu, kurumenggac wasaiareng kunengngina, Kebu, mongngo ge isoc kuhagoc mi kecde. O Kebu, ge yoac modac modac Kebu nga fakaga imocngo orongguma fede.

Makekeng 20:6

Nga mong ye heresongogoc hoannuma dedeseriyoacna tofohoudeu fingecsahe tauseng nga tauseng fingecenggecdesoc, yenigoc yoac dzegeai imoc modackecbade nga modacma kecbesandua.