Nahum 1:4 - Deduamiti

⁴ Amma ye kondung memeting ammima yoac kucgoc demiu dzikeande nga dokutoatoa sasawa megbanggeyunuande. Megbanggeyunuu Basan nga Karmelac ickate imoc ururueandae nga Lewanonggac dzaring imoc yeneng ifingoc dzanggeandae.

Nahum 1:4 ပူးပေါင်းရင်းမြစ်များ

Fingec fingec 8:1

Anu Anutungo Noa nga yang sasawa amma ramaburumaka sasawa yegoc wageu kecgec yeneac negensiec. Negensima deu firang bangecfu kpeu doku kpedzima maec.

Mitiyegec 104:7

geng doku yoac ngabasiric edeyununa yeni kengec amma woradacgec. Ge parandanggac mingina nga doku yeneng geac parandang udumeng negemma kengecyunuu woragec.

Mitiyegec 106:9

Yeng kondung sacsac yoac ngabasiric ammiu gbanggeec. Nga yeng dzohong keme kemeausing bangec gbangge gbanggeau kengandae, ifi isoc wangecyunuma nobocgeng enec.

Mitiyegec 114:3

Kondung ye imoc hemma kpidohoma kenu Yarden doku dzigeneec.

Mitiyegec 114:5

Kondung ge kpidohoma woranec nga Yarden ge kpidohoma dzigenenec.

Mitiyegec 18:16

Ye sawau tacma maria sinema menuma doku dzohong keme kemeaunac kpedzinuec.

Mitiyegec 74:15

Geng doku kiwa nga doku tunggbaung singngina kpendzicna yeni fingecma hakecdae. Ge doku fefeseri fema hakecgec yeni singngina hedzickena gbanggedacgec.

Amosi 1:2

Amosingo yofi deec, “Anu Kebungo Tsionnunac laionggac aro isoc arohoude nga Yerusalaimnunac parandanggeude. Anu rama yeneac kpindzingngo dzanggeu Kamere tiki bumaac ichasango ifingoc ururueude.”

Amosi 5:8

Kebungo asomeng habuya habuya sasawa meficyunuec, ye hurubia merennu unung unungmeragia angande nga hadzing mekundungkpeu toforeande. Amma kondunggac doku kpacyunuma bangec kiwau kpakeyunuu sokoma fedae. Ye kpara Kebunoc.

Mataio 8:26

Ifi degec yeng yofi edeyunuec, “Ngeni negen negensingngina kapianecsac fede, ngeni kengec mi ambisia.” Ifi dema firang nga dzohong kpetariyemeru firang kpac anu dzohong ye ning kpema eng feec.