Nahum 1:3 - Deduamiti

³ Kebu ye herebuya dengecdengec hakecde nga ye kuctoayagoc amma ngicngac kopocsicnginaac turung kpoukpou faka imoc mi waande nga hoengngo hanititiyaac yube angkecde amma firang kuhagoc nga gbungparandanggac manau sing kengande.

Nahum 1:3 ပူးပေါင်းရင်းမြစ်များ

Nehemia 9:17

Nga geng faka kuhagoc yenearu menec, imoc nigecyunuu ubaseri amma yenang songou sebiengenggoc enara meficyunugec. Amma enara imoc yeneng waraiyemmegec Aigita bangecfu wanac uau kecgec, imohai monggoc dzigenegecdeac negenggec. Anu geng ine kopocsic wawa nga ruaetoa amma wosoefacac Anutu nga herebuga tondzera amma songo fakagango mewakewakeguya, imocac amma ge mi ngadeheyununec.

Mitiyegec 103:8

Kebungo wosoefac anemmema neneac ubamangang negemma ngaba bic mi anude. Ye yoac dedzege amma imoc modackecde, faka imocngo yearu wiac engena.

Mitiyegec 104:3

Ge ama managaac kpete doku witiau mena hoeng imoc geac keretac anu geng firanggac kpegang mema witiau tacma kisanna firangngo meguma kenude.

Mitiyegec 145:8

Kebungo ubangerec anemmema neneac ubea manganeude. Ye ngaba bic mi anemmeude amma yeng yoac dedzege amma imoc modackecde, faka imocngo wiac engena ande.

Mitiyegec 147:5

Kebunina ye damu damuyagoc nga ye kuha engena yombong. Ngic mongngo yeac negen negentegecac kpetea naric mi meude, kpac.

Mitiyegec 50:3

Anutuninango hama naric mi waickeude. Yeac kicfu gerecngo dzema waraimiude nga kiafirang kuhagocngo yearu yerecgeude.

Mitiyegec 62:11

Anutungo naso mocgu yoac yofi deec, imoc atac yohockang anu negenai, “Ni Anutu kuc mingina nga

Mitiyegec 66:3

yofi debisia, “Geng wiac angannec, imoc wiac engena yombong, imocac kerectegec andimbe. Ge kucga monggoc, imocac ngabafocga geac bageu kecma ngonducnegecde.

Danicel 7:13

Anu tofocnac gaukpefinnungoc hembare mongngo kurumenggac hoenggoc haec, ye siriha ngicac medacac siric isoc. Yeng bicngoc yombong kefec nga kecereema kecde, yearu hau yeac hoannu hesickegec.

Yoele 2:13

Amma ngeni kopocsicngina heregoc yombong deficgedacbisia nga ngakpingina witiau eng mi kpesuckebisia.” Ngeni Kebu Anutungina yearu dzigenebisia, imoc yofiac, ye ruae nga wosoefactoa mingina amma herebuya tondzera nga songo fakayango mewakewakea. Amma ye kopocsicnina wama ebicfunac mesimesinunudeac efaikecde.

Yona 4:2

Kebu yofi numumiec, “O Kebu ni bangecnau kecmangoc yofi deai, ‘Faka imocnoc fingerude.’ Ni ifi negenaiac amma bic worama Tarsis imohai kembadeac negenai. Anu Anutu, ge wosoefacgagoc nga ngicngac yeneac ubaga manganeande, ge ngaba bic mi annade nga yoac dedzege amma imoc modacyombonggeannec amma memanganeyunubeso negengannec imoc waannec, ni imocnoc negenai.

Dzekarya 9:14

Ammanu witinginau wi sawau Kebu Anutungo fingecyemmema tebemedaha kpesaiu piratac isoc kembesande. Ammanu ye biunga fifima sautfunac firang murayowarec isoc kpefemanu imocac manau habesande.

Bangec kisiu 14:18

Kebu ge herebugaac kuha garenggekecnec imoc bic mi fingecande, nocac ge yoac dedzege amma imoc modackecnec. Amma ngicngac angammemengina mangana amma goa memanganeyunugec nga singyoac kpegec ge yeneac kopocsic waannec. Nga ge kopocsicngina eng mi wanade. Imoc yofi, manggac yeni angammemengina mangana amma goa memanganeyunukecgec, geng imoc nambaracfocngina nga esangabofocngina yenearu turunga kpounade nga kpoubesannec.

Mataio 26:64

Ifi deu yeng meremma yofi edeec, “Imoc gennoc denec. Nga edengunuba negenggec, yaguc nga namma enude Ngicac Medacngo Kuctoa Minginaac foiaugeng tarude. Amma ye kurumenggac hoeng witiau hau ngeni imoc hembesandae.”

Yakobo 1:19

Songo tosofocna, ngeni yofi negenggec, yoac mong degec hau ngeni bic kedzac faibisia. Faima imocac turunga bic mi merembisia me herebu bic mi ambisia.

Yohaneac kpefing 1:7

Henggec, ye hoenggoc hau ngicngac sasawa yeneng kicnginango hendacbesandae nga sebiau nenesari ammigec, yeni kicnginango ye ifingoc henggecde. Nga bangeha bangehaac areng sasawa yeni ye hemma fagung madzacgoc kiacbesandae. O, imoc fora.