Nahum 1:2 - Deduamiti

² Nemuongagoc dzadzahac anganggac faka imoc Anutuac kimbeng kpetiac ande, ye Kebu ifia. Ye kimbengaac turunga kpouyemmekecde nga ngabafora yeneac herebu negemma mekecande.

Nahum 1:2 ပူးပေါင်းရင်းမြစ်များ

Mitiyegec 94:1

O Kebu, ge turung kpoukpou Anutu. Turung kpoukpouac Anutu, ge kperagigagoc fingectegecna.

Makekeng 20:5

Ge imoc yeni mi ngonducneyemmebesena amma yeneac enac mi tofohobesena. Nocac ni Kebu geac Anutu, ni ngicngacfocna heresongogoc hoangyunukecduaeac yeneac keracmangang kpetiac amba herenau gerec dzede. Mong ye ni ubango ukunuudeu manggac yeneac kopocsic imocac turunga naroangmedac esangabofocngina fingecenggecdesoc arenga harebec nga neackpac kpouyemmebade.

Makekeng 34:14

Ni Kebu kpacna Keracmangang Kpetiac. Ni Anutungo heresongogoc hoangguma keracmangang kpetiac amba herenau gerec isoc dzema fede, imocac amma ge nemuonga me anutu monggaru mi ngonducnema numumibesena.

Makekeng 34:7

Amma ye yoac dzegema imoc modackefu imocngo tausenga tausenga yenigoc seria fekefude. Nga faka mangana ngicngac ayemmekecgec amma singyoac ferahegec amma turungnginagoc yeni kopocsicngina wayemmeude. Ye mangana megec imocac turunga eng mi wadarude. Ye imocac kpemeting imoc esamedacfocngina nga bangecfocngina yeneac fingecsahe arenga harebec nga neackpac yenearu imoc kpouyemmeude.”

Yoele 2:18

Anu yeni ubamereng anggec Kebungo bangehaac kpetiac keracmangang amma ngicngacfora yeneac wosoefac ayemmeec.

Mika 5:15

Anu bangeha bangeha ngicngac damocngo eweheihei mi anendae, yeni herebu nga heregerecfu turunga kpouyemmebade.”

Mika 7:18

Mongngo Anutu ge isoc mi kecdae, ge maridzomingfocga tosea kecdae, yeneac kopocsic wayemmeannec. Amma herebu naso herea mi mekecma ubamangang ayecayemmeac negenna ngereeande.

Dzekarya 1:14

Edeu angero nigoc yoac deec, yeng ni yofi edenuec, “Ge kemma yofi dekperagiyemmena: Kurumenggac wasaiareng habuya habuya yeneac Kebu ye yofi dede, ‘Ni Yerusalaim nga Tsion amabangecnaac here negen negenna kunengngoc fede.

Dzekarya 8:2

“Ni kurumenggac wasaiareng habuya habuya yeneac Kebu neng yofi deduae, ‘Ni Yerusalaimgac heresongona kunengngoc fenende. Ammanu damoc yeneng Yerusalaim mingina kopocsicac sinnu wangecyunuandae yeneac ine herebuna feude.

Bangec kisiu 25:11

“Womonggareng Aharon medaha Elecadzar yeac medac Pinehas, yeng ni isoc yeneac keracmangang amma Isracel yeneac botucfunac herebutoana kuha maudeac ua medac. Ifi anu ni keracmangang amma Isracelngicngac mi meicyunudua nga tosea yeni yaguc kecdaengoc.

Roma 12:19

Songo tosofocna, faka mangana angemmegec, imocac turung mi kpouyemmebisia. Anutungo turungngina kpouyemmeudeac titing faimagec yengenaoc manganaac turung kpoukpou ua imoc mebeso. Imocac yofi oho ohoya fede, “Manganaac turung kpoukpou, imoc neac ua, Kebungo ifi dede.” (Dser 32:35)

Roma 13:4

Geng gombunga kecnadeac amma yeni Anutuac kingangngic kecdae. Amma yeni foracngoc wasaibeang kucmamayagoc mi mekecdaeac faka nga angammeme mangana meficgenadeu ine kengecgubeso. Yeni Anutuac kingang ngicfora kecma manganameme yeneac turunga kpouyemmegecde.

Hebiraio 10:30

Nga “Kopocsicac turung kpoukpou imoc neac uanoc nga ni ngicngac kopocsicnginaac turung kpouyemmebade.” (Dser 32:35) Kebungo yoac imoc deec, ye negendimbe. Ye monggoc yofi deec, “Kebungo ngicngacfora isingyunuma yoacngina deude.” (Dser 32:36)

2 Petoro 2:9

Ngeni imoc hemma Kebuac sing yofi negenggecde, ngicngac Anutu eweheimima yeac enac tofohoandae, yeneac faitobang fingecyemmeu Kebungo imohacnac onggongyunuudeac kuha fede. Nga fakangina manganagoc kecandae, yeni ine witicamau faiyunuu tacmagec yoacfu faiyunuudeac nasoya habesande.