Mitiyegec 99:3 - Deduamiti

³ Geac kpacga imoc damu damuyagoc. Yeneng imoc dengerebisia. Kebu ye kpetiac.

Yoak kekehagocac Dzadzahac gboria nga Mitiyegec

³ Geac kpacga imoc damu damuyagoc. Yeneng imoc dengerebisia. Kebu ye kpetiac.

Mitiyegec 99:3 ပူးပေါင်းရင်းမြစ်များ

Nehemia 1:5

Amma yofi deai, “Kebu kurumenggac Anutu, ge Anutu Engenatoa amma damudamugagoc. Ngicngac geac songo negemma dedeserigango modackecdae geac songoga nga dzadzahacgango yenearu fekecde.

Nehemia 4:14

Faiyunuma hemba ngicngac yeni wosodamugoc nanggec yacma gareng nga ngickiwafocngina amma ngicngac yofi dema edeyunuai, “Ngeni kengec mi anggec, Negendae Kebu ye Kuctoayagoc, imocac ngeni serima namma enengfocngina, naroangfocngina, medacfocngina nga dacmunafocngina amma amagerecngina imocac dzikaha ngenaoc kpebisia.”

Nehemia 9:32

Anutunina ge Anutu engenatoa amma kuctoagagoc nga damudamugagoc amma ge dzadzahac mema songoga edzacnunuannec. Imocac ge ngictaufocnina, enarafocnina, womonggarengfocnina, profetefocnina nga esangabofocnina amma ngicngacfocga sasawa Asiriaac ngictau yeneac nasounac erekecma yaguc ebic sasawa fingecnemmede, imoc hemma meficnununa.

Nehemia 9:5

Anu Lewiareng kpacngina; Yesuha, Kadmier, Bani, Hatsabanie, Tserebia, Hodia nga Tsebania amma Petahia yeneng degec: “Yacma Kebu Anutungina dengeregec. Ye nasoya kpac kechereema kecbesande amma kpara imoc kibikperagiagoc nga engena kenehagoc, imocac dengereni.

Mitiyegec 100:4

Ye ubangerec ammima yeac nagutoau emma ama sobengau dedengerecac yegec heini. Yeac ubangerec dema yeac kpac kuneng keneheni.

Mitiyegec 103:1

O ubaongana, ge Kebu kenehena. Wiac sasawa neac manau fede, imocngo yeac kpara kpetiac kenehebeso.

Mitiyegec 111:9

Yeng wiacfora sueyunuu yeneng ngicngacfora yungecyunugec. Ye dzadzaha feengkecbesandeac yoac seria edeyunuec. Yeac kpac imoc kpetiac nga bibiagoc.

Mitiyegec 145:17

Kebungo fakaya dindingac modacma wiac sasawa meande, imoc ubangerecgoc anemmeude.

Mitiyegec 66:3

yofi debisia, “Geng wiac angannec, imoc wiac engena yombong, imocac kerectegec andimbe. Ge kucga monggoc, imocac ngabafocga geac bageu kecma ngonducnegecde.

Mitiyegec 76:1

Yehuda bangecfu Anutu negengkecdae nga Isracel bangecfu yeac kpac kuneng heiwayong memigecde.

Mitiyegec 76:12

Nocac yeng ngictau medacfocngina yeneac onganginaac kuc meickema bangecac ngictau kengectoa meficgeyemmeude.

Yohane 17:11

Kekecnasona bangecfu wisickebeso ammanu yeni bangecfu kecmagec neng gearu habade. Kpetiac Manggac, nerang mocgu nga ifi isoc yeneng mocgu anggecdeac geng kpacga nennec, imoc arennu yenenggareng ambesena.

Yohaneac kpefing 4:8

Wiac kekecnginagoc 4 yeni tembuc tembuc kpegangngina 6. Nga sebingina imoc kicngo sasawa soko sokoya amma kpegangngina bageau, imoc ifingoc kiwagoc anec. Amma yeni wenac nga tofocnasoc kecnegenga kpac yofi dema kecgec, “Kebu Anutu Kuctoa mingina ye kpetiac, kpetiac nga kpetiac. Ye kefec nga kecde amma kecma habesande.”