Mitiyegec 98:3 - Deduamiti

³ Ye Isracel habu yenigoc yoac dedzege amma imoc modackecde, ye imoc negenu fekecde nga ye yoara modarudeac faka mong mi nigeckpeec. Anutuninango firang anec, imoc ngicngac bangec tegiau fekendae, yeneng henggec.

Yoak kekehagocac Dzadzahac gboria nga Mitiyegec

³ Ye Israe habu yenigoc yoac dedzege amma imoc modackecde, ye imoc negenu fekecde nga ye yoara modarudeac faka mong mi nigeckpeec. Anutuninango firang anec, imoc ngicngac bangec tegiau fekendae, yeneng henggec.

Mitiyegec 98:3 ပူးပေါင်းရင်းမြစ်များ

Mitiyegec 106:45

Ye warac dzadzahac yenigoc meec, imoc yeneac amma negenu feec. Yeng yoac dedzege amma imoc modackecde, imocngo efea kpac femideac amma yeneac ubamangang negengkefec.

Mitiyegec 22:27

Bangec tegiaunac ngiha ngiha yeneng yeac negemma ubangina dzigeneu kebuaru kenggecde. Nga ngiha ngiha yeni sasawango tosofocnginagoc hama yeac kicfu ngonducnema numumigecde.

Mitiyegec 67:7

Anutungo kenecnunubeso nga ngicngac bangec tegia fekendaesoc, yeni sasawango ye eweheimima hoanggebisia.

Mitiyegec 98:2

Kebungo firang bic anec, imoc dekperagiyemmeec. Ye faka dindingac modacma ngicngac yoacngina dema nanggeyunuec, imoc bangec monnunac ngicngac ye mi negemmidae, yeni imoc didiu edzacyunuu yeneng imoc kicnginango henggec.

Mika 7:20

Ge warac mangesahocnina Yacakow nga Awraham yerigoc dedeseri fora menec, imoc modacma yereac fingecsahe neni ubamangang anemmema songoga edzacnununade.

Ruka 1:72

Nga Anutungo kisicnina Abrahanggoc yoac deserima deec, imoc negensima dzadzahac kpataninga modacma kisicfocnina wosoefac ayemmema

Ruka 3:6

Anutungo ngicngac manganaunac mesinunuude, imoc ngiha ngihango hendacbesandae.’ ” (Yes 40:3-5)

Aposoro 13:47

Kebungo yofi denemmeec, ‘Neng ge bangec monnunac ngicngac, yeneac kifa faiguba geng ngicngac kopocsicac ebicfunac mesiyununa dema ge ua imoc gemba mekengkecma bangec tegiau mekemma ebicfunac mesiyununa komoc kpebesandae.’ ” (Yes 49:6)

Aposoro 28:28

Imocac edengunuba negenggec, Anutungo memengerec sing meficgeec, imoc bangec monnunac ngicngac, yeneac arennoc ande, yeneng yoacna negemma komoc kpegecde.” Paurongo ifi deu negemma wama kenggec.

Roma 10:12

Anu yudaareng nga grikareng siricngira mong mong mi ande. Kebu ye sasawa nenanggac Kebunina. Nga ngicngac yeac kpac kpacandae, yeni ubangerecgoc keneha hania hania naric yemmeude.

Roma 10:18

Anu Isracel yeni yoara kedzacnginango mi negenggec me? Ifi kpac, yeni bic negenggec. Yofi oho ohoya fede, “Ubaudumengngina imoc bangectoa bangecfu kengkecde. Yeni yoacnginango bangectoa bangec yomocac noboc noboc wisic wisickeau kendarude.” (Myeg 19:4)

Yohaneac kpefing 5:9

Anu yeni yegec mong gboria yofi heigec, “Geng kibi kpou kpouya mema kendokereha naric mekpacgenade. Imoc yofiac, ngic yeneng kpebucgugec geac sacngo ngicngacfocga bummeyununec. Ge ngicngac fakaga fakangina nga yoacga yoacna amma sebi siric hania hania nga bangeha bangeha sasawa yenearunac bummeyununec Anutuac areng amma kecdae.