Mitiyegec 97:10 - Deduamiti

¹⁰ Kebungo kpetiac ngicngacfora kekecngina onggonggeude. Ngic yeni yarefaka henggec imocac modzongina tiande, Kebungo yeni songogoc hoangyunuude. Ngic goa Anutu ngadehema mangana megecdeac ayemmeande, yeng ngicfora yeneac mariunac mesiyunuude.

Yoak kekehagocac Dzadzahac gboria nga Mitiyegec

¹⁰ kebungo kpetiac ngicngacfora kekecngina onggonggeude. Ngic yeni yarefaka henggec imocac modzongina tiande, kebungo yeni songogoc hoangyunuude. Ngic goa Anutu ngadehema mangana megecdeac ayemmeande, yeng ngicfora yeneac mariunac mesiyunuude.

Mitiyegec 97:10 ပူးပေါင်းရင်းမြစ်များ

Mitiyegec 101:3

Wiac mongngo sinna gombunga memanganenuudeacsoc anu ni kic imohai naric mi fibade. Ngicngac sing segema negen negensingngina kpac kecandae, yeneac uaac modzona tiu wiac imocngo nigoc mi kpeketaheude.

Mitiyegec 119:104

Geac dederecgeyoacngo negen negentegec nenudeac sing ikoha sasawa imocac modzona tiude.

Mitiyegec 119:163

Ni ikocfakaac negemba wiac mangana yombong anu imocac modzona tide. Nga geac dedeseriyoac, imocac songo negemma kecduae.

Mitiyegec 121:7

Kebungo onggongguu yarefaka hania hania fede, imocngo naric mi memaguude. Kebu ye kekecga onggonggeude.

Mitiyegec 125:3

Ngicngac dindingac yeni maringina sinema angammeme mangana ambauac. Ngic Anutu ngadehema mangana megecdeac ayemmeande, Anutungo yeni kpae heiyemmeu ngictau yasunginango ngic dindingac yeneac bangec naric mi garenggeude.

Mitiyegec 145:20

Ngicngac yeneng Kebu songogoc hoanggekecgec Kebungo onggongyunuude. Anu ngic Anutu ngadehema mangana megecdeac ayemmeande, yeni memanganeyunuu kpac andacgecde.

Mitiyegec 31:23

Kebuac kpetiac ngicngac sasawa, ngeni ye songogoc hoanggebisia. Yeng ngicngac yeac yoac modacandae, yeni onggongyunuude. Ngic yeni yenanggac negenggec wiac engena anu angammeme hania hania angandae, imohai yeng turunga mangana efea kpac merengyemmeude.

Mitiyegec 34:14

Ge faka mangana ngadehema angammeme gombunga angkecbesena amma ruaeac sing meficgenadeac uatoa mebesena.

Mitiyegec 36:4

Nga ye fefeau fema ogofora tobangyunuudeac mangana arenggema sing manganasac modackefudeac negenude. Ye faka angammeme mangana mong mi ngadehema waude.

Mitiyegec 91:14

Kebungo yofi dede, “Ye neac songo negemma nigoc kpeketahema kecdeac ebicfunac mesibade. Ye neac kpac kuneng negendeac neng henggareng amma ongonggebade.

Danicel 3:28

Ifi hemma Newukadnetsar ye yofi deec, “Sadrak nga Mesak amma Awed-Nego yeneac Anutungina ye kenehagoc. Yeng angeroya sueu enactofoc tofohofora onggongyunudac! Anu yeni anutu mong numumigecdeac ngombonggegec yeni imoc wama ngictauac yoac kpema Anutungina negensinggeyombonggema sebingina yeac mariu faidau. Yeni yenang Anutunginaacsac eweheihei ammima numumidau anu anutu mong eweheihei mi ammigec.

Danicel 6:22

Ni yeac kicfu kopocsicna kpac nga ngictau ge mong mi memanganeguaiac Anutunango imoc hemma angeroya sueu yeng laion yeneac enacngina medzickeu mong mi memanganenudau.”

Danicel 6:27

Yeng ngicngacfora ebicfunac mesiyunuude nga onggongyunuude. Ye negensinggegecdeac faka kuhagoc nga faka morora kurumennu nga bangecfu meande. Yennoc Danicel laionyang yeneac kucginaunac mesidac.”

Amosi 5:14

Amma ngeni faka mangana mi modacbisia, faka gombunga amma naso herea kecgecde. Ifi ammagec Kebu Anutu Kuctoa Minginango ngenigoc kecde deande, yeng ngenigoc kecfude.

Amosi 5:15

Nga faka mangana ngadehema faka gombungaac songo negengyombonggebisia amma yoacfu yoac dindingacsac debisia. Ngeni ifi ammagec gedang Kebu Anutu Kuctoa Minginango Yosefac arennunac ngic tosea kecgec, yeni ubamangang ayemmeude.

Roma 12:9

Ngeni heresongogoc hoangemekecdae, imocngo faka fora ambeso. Ngeni faka nga angammeme mangana ngadehema faka gombunga serima angkecbisia.

Roma 7:15

Nga faka nga angammeme angkecduae, imoc dafiac angkecduae, imoc mi negentegecduae. Ni wiac mong ambadeac negensianduae, imoc mi angkecduae. Nga faka ubanango waanduae, imoc ine angkecduae.

Roma 7:24

Ni ngic makpekpea ubahodunggoc kecma sebinagoc homecac bageau kecbare merang imohacnac mesinuude?

1 Korinti 8:3

Nga mong ye Anutu heresongogoc hoanggedeu Anutungo ye negemmiude.

2 Tesaronike 3:2

Ngicngac homac yeni negen negensingngina kpac, ifi kecdae. Nga Anutungo ngicngac ngabagoc nga manganameme yeneac mariunac mesinunubeso, ngeni imocac ifi numubisia.

Yakobo 1:12

Ngic mong faitobannu serima namma ebic tofohoude, ye kenehagoc. Nga ngicngac Anutu songo negemmiandae, yeni kekecac ira yemmeudeac deseriec. Ngic mong ye faitobannu heiserima kefude, ye imocnoc meude.

Yakobo 2:5

Songo tosofocna, ngeni kedzac kpema negenggec, ngicngac bangectoa bangec yomohai makpekpea kecdae, yeni negen negensinggoc kuneng anggecde amma eucererenggac mingina ambesandae, Anutungo ifi negemma meisingyunuec. Ngicngac heregoc Anutuac songo negengandae, imoc yeneac anudeac deyemmeec.

1 Petoro 1:5

Ngeni negen negensinggoc kecmagec Anutu ye kuhagocngo garengngunuu naso wisic wisickeau komoc kpebesandae. Imoc fingerudeac efaima fede.

1 Petoro 1:8

Ngeni ye kicnginango mi henggec amma sifu yeac songo negendae. Nga yofinenggac ye mi hengandae amma ngeni sifu ye negensinggegecde. Amma ngeni ye negensinggegec, yeng ubaongangina kopocsicac ebicfunac mesingemmeu ngeni komoc kpebesandae. Ngeni imoc negensima sogac sogai ebiriangoc amma kecdae.

1 Yohane 4:19

Anutungo hanahemangoc nenang heresongogoc hoannunuec, imocac amma heresongogoc kecdimbe.

1 Yohane 5:18

Nenang yofi negendimbe, ngicngac Anutuarunac fingec fingera, yeni sasawango kopocsic mi megecde. Nga yengena Medahango habangyunuu mangana minginango naric mi memanganeyunuude.

Yohaneac kpefing 13:8

Ifi migec ngicngac sasawa bangecfu kecdae, yeneng wasaipusi numumigecde amma ramamedaha kpebucgegec, yeac kekecac kibiu ngicngac kpacngina bangec meficmeficgeaunac mi fede, yeneng wasaipusi numumigecde.