Mitiyegec 93:1 - Deduamiti

¹ Kebungo ngictauac kuc, imoc ngakpi isoc heiu kemeu ngicngac garengyunuude. Ye ngictauac kuc heiu ngakpia ande. Ye kuha bic heima kebangau dzegeec. O, yeng bangectoa bangec tatahau faiu seria tacdeac wiac mongngo meu goroc goroc naric mi anude.

Yoak kekehagocac Dzadzahac gboria nga Mitiyegec

¹ kebungo ngictauac kuc, imoc ngakpi isoc heiu kemeu ngicngac garengyunuude. Ye ngictauac kuc heiu ngakpia ande. Ye kuha bic heima kebangau dzegeec. O, yeng bangectoa bangec tatahau faiu seria tacdeac wiac mongngo meu goroc goroc naric mi anude.

Mitiyegec 93:1 ပူးပေါင်းရင်းမြစ်များ

Mitiyegec 103:19

Kebungo ngictau tataha kurumenga kurumenga fekendaeu tatahau faiu seria nande. Ye ngictau amma eucererenga wiac sasawa feracyunuma mingina ande.

Mitiyegec 145:13

Geac eucerereng imoc nasoya nasoya feengkefu geng ngictauac kucngo garengyunukecnec, imoc ngic fingecsahenina fekefude, imocacsoc feengkecbesande. Kebungo yoara sasawa deec, imoc modarude nga faka angammemea imoc ubangerecgoc.

Mitiyegec 18:32

Ngicngac wamba heigec kemeande, ifi isoc Anutungo kuc heinenu kemeu sing ebiha kpac meficgenenu gombunga kengkecbade.

Mitiyegec 59:13

Ge herebugango gbokoyunubesena. Oc, ge gbokoyununa kpac andacbisia. Ifi anna bangectoa bangec tegia fekendaeu ngicngac yeneng yofi negenggecde, “Anutungo Yacakowac areng garengyunukecde.” Selac

Mitiyegec 65:6

Ge kucga heina kemeu kucgango tiki meficyunuma tatacnginau faiyununec.

Mitiyegec 65:7

Kondung yeni kunengngoc arohogec ge arongina menomanena ning kpegecde nga kondunggac siri udumengtoagoc kpeande, imoc menomanena ning kpema feude. Ge ngiha ngiha yeneac dzomugerec ifingoc menomanenade.

Mitiyegec 75:3

Bangec nga bangecfu ngicngac kecdae, yeni imohai goroc goroc amma kockpac anggecde. Ni neannaoc bangecac wotungtoa meseriyunuma nanggeyunuma kecduae.” Selac

Mitiyegec 96:10

Ngeni bangec monnunac ngicngac Anutu mi negemmidae, yeneac botucfu yoac yofi dekperagiyemmebisia, “Kebu ye ngictau. Ye kuc imoc mekecma garengyunuma kecde. Foracngoc, ye bangectoa bangec tatahau faiec, imoc nasoya nasoya seria feu wiac mongngo meu goroc goroc naric mi anude. Ye monde mondea kpac kecma ngiha ngiha faka angammemengina yoacfu isinggema desibesande.”

Mitiyegec 97:1

Kebu ye ngictauac kuc minginango bangectoa bangec garenggema kecde. Imocac bangecngo sogaibeso nga kondung tegiau bangec fekendae, yeni ubangerecgoc kecbisia.

Mitiyegec 99:1

Kebu ye ngictau amma ye ngiha ngiha garengyunuu yeni dzonong fedefedegoc kecbisia. Ye keruw botucnginau ngictau tatahau taru usocngo bangecfu mebeso.

Mataio 6:13

Ge faitobannu mi fainununa nga manganaunac mesinunubesena.’

Hebiraio 1:8

Amma Medahaac negemma yofi deec, “Anutu, geac ngictau tatac imoc wisic wisickea kpac amma feengkecbesande. Amma ge eucererenggaac ngictauyasuga mena yoacga imoc dindingac.

Yohaneac kpefing 19:6

Ifi deu udumeng mong negemba, imoc areng kuneng yeneac enacudumeng isoc anec. Imoc doku homac yeneac udumeng nga gbururungtoaac udumengtoa isocngo yofi degec, “Kebu Anutunina kuctoa minginango ngictau bic amma kecde, halleluya.