Mitiyegec 9:9 - Deduamiti

⁹ Ngicngac goa yeneng ngic ogofocngina ebic meficgeyemmegec ubaebicnginagoc kecgec, yeneac sufu sufuamangina seria, imoc Kebunoc. Naso mangana hau yeng amangina seria anu ihai sufugecde.

Yoak kekehagocac Dzadzahac gboria nga Mitiyegec

⁹ Ngicngac goa yeneng ngic ogofocngina ebic meficgeyemmegec ubaebicnginagoc kecgec, yeneac sufu sufuamangina seria, imoc kebunoc. Naso mangana hau yeng amangina seria anu ihai sufugecde.

Mitiyegec 9:9 ပူးပေါင်းရင်းမြစ်များ

Mitiyegec 108:12

Ngicngo meficnunuande, imoc memefihagoc kpac. Imocac geng meficnununa ngabafocnina yunubisina.

Mitiyegec 142:4

Ni kicna foinaugeng fima hemba mongngo ni mi nengsiude. Nga ni sufu sufuama hofocba kpac anu ngic mongngo nenggareng mi anenude.

Mitiyegec 18:2

Kebu ye neac hoc peperandzi seria, ye amana seria amma neac yungec yungecngic. Ye Anutuna nga neac hoc peperandzi seria anu ni yeac hoannu kemma sufuma kecbade. Ye kasona nga ye kuhagoc amma ebicfunac mesinuu yeac odaseriau kecbade.

Mitiyegec 20:1

Kebungo ebicnasou yoacgaac turunga merenggembeso. Yacakowac Anutu, yeac kpac kunengngo ge onggonggubeso.

Mitiyegec 32:7

Ge neac sufu sufuamana. Ebicngo memanubeso anu geng onggonnuna ebicngo naric mi memanganenuu geng sogac sogaiac aro kunengngo oronnunade. Selac

Mitiyegec 37:39

Kebungo ngic dindingac ebicfunac mesiyunuma ebicnasou yeneac sufu sufuamangina anu ihai sufuma kecgecde.

Mitiyegec 46:1

Anutu ye sufu sufuamanina nga kucnina. Ye ebicnasou nenigoc nasosoc kecma meficnunuude.

Mitiyegec 46:7

Kebu kurumenggac wasaiareng kunengnginango nenanggoc kecde. Yacakowac Anutu ye sufu sufuamanina. Selac

Mitiyegec 48:3

Anutungo ngictau amatoau tacma amea onggonggema gombunga henggareng ammiude, imoc hengkecdimbe.

Mitiyegec 50:15

ebicnaso hau ngeni ni kpacnugec neng ebicfunac mesingunuba ngeneng ni afenubisia.”

Mitiyegec 62:8

O ngicngac, ngeni nasoya nasoya Anutu negenserima kecbisia. Yeac hoannu kemma sufuma kecnide. Ngeni herenginau wiac sasawa fedacde, imoc ye edebisia. Selac

Mitiyegec 67:5

O Anutu, ngiha ngiha yeneng afegubisia, yeni sasawango ohecga megembisia.

Mitiyegec 7:9

O, gennoc Anutu dindingac amma ngicngac negen negengngina nga herenginaac hengising mingina. Geng ngic mangana megedeac ayemmeande, yeneac yarefakaac kpae heina kpac ambeso nga ge ngicngac dindingac tatacngina meficgema faiyununa ihai seria tacbisia.

Mitiyegec 96:10

Ngeni bangec monnunac ngicngac Anutu mi negemmidae, yeneac botucfu yoac yofi dekperagiyemmebisia, “Kebu ye ngictau. Ye kuc imoc mekecma garengyunuma kecde. Foracngoc, ye bangectoa bangec tatahau faiec, imoc nasoya nasoya seria feu wiac mongngo meu goroc goroc naric mi anude. Ye monde mondea kpac kecma ngiha ngiha faka angammemengina yoacfu isinggema desibesande.”

Mitiyegec 98:9

Kebungo desi desi ua meudeac bangecfu hade. Imocac yeac kicfu yegec heibisia. Ye faka dindingacfu bangectoa bangecac ngicngacareng isingyunuma yoacngina desima monde mondea kpac kecma ngiha ngiha faka angammemengina isinggema yoacfu desiude.

Nahum 1:7

Kebu ye gombunga. Ye ebicnasou ngicngacfora kaso kpeyemmeande amma ebicfunac kengec worama yearu kengandae, yeng yeni negengyemmema hoangyunuande.

Ruka 13:34

Yerusaleng Yerusaleng, ge profete yunuhomeannec nga ngic gearu sueyunuyunuya, yeni hocngo yenereannec. Nga Kokorec nonggeango nambaracfora kpeganga bageau foforacyunuande, ni ifi isoc naso homac nambaracfocga kpedzucngunubadeac negembare ngeneng ine imocac songo mi negenggec.

Hebiraio 6:18

Ye ifi dema yoac seria yohockang meficgenemmeec. Yoac yohockang ifi feecac yoara ikoc naric mi anude. Fakaya ifia negenni imocngo ebiriangoc meserinunuu bangecac wiac naric wama wiac ngade menideac deec, imoc seria mekecnide.