Mitiyegec 9:19 - Deduamiti

¹⁹ O Kebu, ge bangecngic kpae heiyemmena firang mi ambisia. Bangec monnunac ngicngac yeni geac kicfu nanggec geng yoacfu faiyunuma fakangina isinggena.

Yoak kekehagocac Dzadzahac gboria nga Mitiyegec

¹⁹ O kebu, ge bangecngic kpae heiyemmena firang mi ambisia. Bangec monnunac ngicngac yeni geac kicfu nanggec geng yoacfu faiyunuma fakangina isinggena.

Mitiyegec 9:19 ပူးပေါင်းရင်းမြစ်များ

Fingec fingec 32:28

Ifi deu yofi dema edeec, “Ge Anutu nga ngic yenigoc momoc dzikac kpema firang andanggac geac kpacga Yacakow monggoc mi kpacbesonga. Geac kpacga imoc Isracel ifi debesonga.”

Mitiyegec 10:12

O Kebu, ge yacna. Anutu, ge mariga miacna enu. Ngic goa yeneng ngic ogofocngina ebic meficgeyemmegec ebicgoc kecandae, ge yeneac mi nigecgubeso.

Mitiyegec 3:7

O Kebu, ge hama ebicfunac mesinuna. Anutuna, ge ngabafocna ngebacngina kpedzamema manganameme enacngina kpemoronggena mabeso.

Mitiyegec 44:23

O Kebu, ge gauunac yacma negenggborina. Ge naso wisic wisickea kpac mi wanunuma kecbesena.

Mitiyegec 44:26

O Kebu, ge gborima yacma ebicfunac yungecnununa. Ge yoac dedzege amma imoc modacannecac amma meficnunuma bummenunuma ebicfunac yungecnununa.

Mitiyegec 7:6

O Kebu, ge ngaba amma yacna. Ngabafocna yeni herengina buu geng yacma memayunubesena. O Anutuna, kopocsicac turunga fingecyemmeudeac deserinecac amma ge gborima yacma meficnuna.

Mitiyegec 79:6

Bangec monnunac ngicngac yeneac witinginau herebuga hetinggena mau nga bangec areng goa yeni geac kpac kuneng mi kpacandae, ge herebuga yenearu kpakena mau.

Mitiyegec 80:2

Ge Efrayim areng nga Benyamin amma Menasse areng, yeneac kicfu kucga hafoangoc heina kemedaru hama ebicfunac mesinununa.

Yoele 3:12

Kebungo yofi dede, “Bangeha bangeha ngicngac yeni efaima yacma Yehosafata bangec tumeau hadacbisia. Anu ni ihai tacma bangeha bangehaac tegia noboc noboc yeni desiyunubade.

Mika 5:15

Anu bangeha bangeha ngicngac damocngo eweheihei mi anendae, yeni herebu nga heregerecfu turunga kpouyemmebade.”

Tsefanya 3:8

Kebungo yofi dede, “Ngeni neac tomai kecbisia nga naso mong hasikebesande, naso imohai ni yacma namma fakangina henai imocac sirihau yoacngina desibesandua. Amma bangeha bangehaac ngicngac ngictaufocnginagoc yeni heitaiyunuma kpedzucyunubesandua, ni imoc bic deseriai. Amma ngabanaac gerec imoc hetinggeba witinginau embesande. Nga herebunaac gerecngo bangeha bangeha borang tima dzedacbesande.”

Dzekarya 14:18

Amma Aigita habu yeni imohai emma sing imoc mi modacgecdeu yenearu kia mong mi kpehembesande. Kebungo bangeha bangehaac ngic Yerusalaim taontoau emma bedzo bedzoac tatac nasoac hombang imocac sing mi modacgecdeu, yenearu ebictoa fingerudeac deec, ebic imocngo Aigita habu yeneac witiu embesande.

Yohaneac kpefing 19:15

Nga enaraunac wasai beang mong enaragoc ereec, ye imocngo bangeha bangeha imocac ngicngac yunuude nga ye aiengyasungo garengyunuude. Amma ye Anutu kuctoa mingina yeac ngaba nga herebuac waing tidzoc tidzohoac hoctoau tidzohoude.