Mitiyegec 9:10 - Deduamiti

¹⁰ O Kebu, ngicngac yeneng geac kpac kuneng negengandae, yeni negenserigugecde. Ngicngac yeneng ge hofocgugec geng yeni mi ngadeyunuma wayununade.

Yoak kekehagocac Dzadzahac gboria nga Mitiyegec

¹⁰ O kebu, ngicngac yeneng geac kpac kuneng negengandae, yeni negenserigugecde. Ngicngac yeneng ge hofocgugec geng yeni mi ngadeyunuma wayununade.

Mitiyegec 9:10 ပူးပေါင်းရင်းမြစ်များ

Mitiyegec 37:28

Kebungo ngicngac sing dindingac modacgecdeac ammiu yeac kpetiac areng, yeni naric mi ngadeyunuma wayunuude. Ye onggongyunuude, imoc wisic wisickea kpac. Ngic Anutu ngadehema mangana megecdeac ayemmeande, yeng yeac nambaracfora ine meicyunuu kpac anggecde.

Mitiyegec 37:39

Kebungo ngic dindingac ebicfunac mesiyunuma ebicnasou yeneac sufu sufuamangina anu ihai sufuma kecgecde.

Mitiyegec 5:11

Ngicngac hoanggau hama sufuma kecdae, yeni sogac sogai meficgeyemmema ubangerec ayemmena nasosoc ubangerecac yegec heikecma sogac sogaigoc kecbisia. Geng orongyunuma onggongyununa. Ge ifi anna ngicngac yeneng kpacgaac songo negemma geac negenggec engena anu sogaigecde.

Mitiyegec 57:1

O Anutu, ge neac ubaga manganeu. Ubaonganagoc geac hoannu sufuduaeac amma ge neac ubamangang negenna. Ni geac kpeganggaac debannu sufuma kecbare kiafirang mangana kpac andacbeso.

Mitiyegec 91:14

Kebungo yofi dede, “Ye neac songo negemma nigoc kpeketahema kecdeac ebicfunac mesibade. Ye neac kpac kuneng negendeac neng henggareng amma ongonggebade.

Nahum 1:7

Kebu ye gombunga. Ye ebicnasou ngicngacfora kaso kpeyemmeande amma ebicfunac kengec worama yearu kengandae, yeng yeni negengyemmema hoangyunuande.

Yohane 17:3

Anu yeni Anutu mocgungo fora kecde amma yeng Yesu Kristo sueu maec negennurugecde, imocngo kekecseriac hania.

2 Korinti 4:6

Anutungo yofi deec, “Kundununac kperagi fingecna.” (Fing 1:3) Anutu yennoc ubaherenina mekperagikecde. Amma Kristo ye Anutuac kuc nga kibikperagia negentegecde, negen negentegec imocngo yeac kicmesuyaunac hama ubaherenina mekperagiude.

2 Timoteo 1:12

Imocacnoc kukusisic witiau kecduae. Imoc yofiac, ni ngic negensinggema kecduae, ye negemmiduaeac game naric mi nuude. Nga negen negensina seria yofi fede. Ye kuhagocngo wiacna yearu faiai fede, yeng imoc garenggekecmanu nasoya haude.

1 Yohane 2:3

Anu nenang Anutuac singyoac modacnide, imocngo ye negemmima negentegecnide.

1 Yohane 5:20

Anu nenang yoac fora Mingina negemminideac Medahango hama negen negentegec nemmeec, imoc negendimbe. Amma Anutu yoac fora mingina, yeac heremanau nga Medaha Yesu Kristo, yeac heremanau momoc kecdimbe. Yennoc Anutu fora amma kekecseri.