Mitiyegec 88:9 - Deduamiti

⁹ Ni ubahodunggoc kecba kicna kundung kpebeso ande. O Kebu, ni wenacsoc kpacguma marina gearu sinekecduae.

Yoak kekehagocac Dzadzahac gboria nga Mitiyegec

⁹ Ni ubahodunggoc kecba kicna kundung kpebeso ande. O kebu, ni wenacsoc kpacguma marina gearu sinekecduae.

Mitiyegec 88:9 ပူးပေါင်းရင်းမြစ်များ

Mitiyegec 102:9

Ni ic sogong nebadeac anenu hamango yakana angkecde nga kickumanango sokocfu kemema dokuna anu nekecduae.

Mitiyegec 143:6

Marina gearu miacduae. Bangec dzangge dzanggeango dokuac ammiande, ubaonganango ifi isoc geac ammide. Selac

Mitiyegec 38:10

Ni wosona tantang anu kucna kpac andaru kicnaac kperagi bic pisickedac.

Mitiyegec 38:12

Ngic kpebucnubeso ayemmede, yeneng botac faima kpetotienugecdeac yoac dedae. Yeni asoacnac kemma marai ikocfu faitobang anenggecdeac arenga faikecdae.

Mitiyegec 42:3

Ni hadzing toforec kickumanango yakana angkefu ngicngac yeni nasosoc kpesinendae, “Geac Anutu mong mi hendimbe, kpac yombong.”

Mitiyegec 44:20

Neni Anutuninaac kpac kuneng nigecnunuu marinina miacma nemu furia afehebinnu

Mitiyegec 55:17

Ebicngo memanuu asoringa anenu ni asoac nga marai amma tofocnac imocac kiacma ebicyoacna edeba yeng ubaudumenna negenude.

Mitiyegec 6:7

Ni ubahodunnagoc kecduaeac kiacba kicna ngopic kpede nga kiacba ngabafocna sasawa yeneng ebic meficgenenggec kicna kuha kpac ande.

Mitiyegec 68:31

Ngic kuneng yeni Aigita bangecfunac hagec ngic Etiopia bangecfunac yeni maringina bic miacma Anutuaru hagecde.

Mitiyegec 86:3

O Kebu, ni asoacnac kemma marai gearu kiackecduaeac ge neac ubaga manganeu.

Mitiyegec 88:1

O Kebu, Anutuna, ge neac ebicac mesi mesingic. Ni hadzing tofocnac geac arohoma kiackecba