Mitiyegec 88:1 - Deduamiti

¹ O Kebu, Anutuna, ge neac ebicac mesi mesingic. Ni hadzing tofocnac geac arohoma kiackecba

Yoak kekehagocac Dzadzahac gboria nga Mitiyegec

¹ O kebu, Anutuna, ge neac ebicfu mesi mesingic. Ni hadzing tofocnac geac arohoma kiackecba

Mitiyegec 88:1 ပူးပေါင်းရင်းမြစ်များ

Fingec fingec 49:18

O Kebu, ni memengerecgaac tomai yombong kecduae.

Nehemia 1:6

Ge kicga fima kedzacga nearu faima wanacngicga neng hadzing toforec wanac arengfocga Isracel yeneac amma numuduae, nunumuna imoc negenna. Ni Isracel areng nga mannaac arengfora amma neanna areng sasawa neneac enac mema gearu kopocsic meficgeing imoc hafoangoc deficgedacduae.

Mitiyegec 140:7

O Kebu Kuctoa mingina, ge neac yungec yungecna seria. Geng dzikac nasou orucna garenggema onggonnunec.

Mitiyegec 22:2

O Anutuna, ni hadzing tofocnac kiacba turunga mi merennennec, ni waickema mong mi kecbade.

Mitiyegec 24:5

ye ifi kecmanu Kebungo ye keneheu Anutu ebicfunac mesimesi minginango ye ngic dindingac demiude.

Mitiyegec 27:1

Kebu ye neac kperagi nga memengerec, ni wiac monggac kengec naric mi ambade. Ye sufu sufuamana amma ye kekecna onggonggema kecdeac monggac kengec mi ambade.

Mitiyegec 27:9

O Anutu, ge ebicfunac mesinunade nga ni geac kingang ngicga. Ge kicmesuga nearunac mi mesufuna nga ngaba amma mi meicnuna. Ge meficnukecnecac mi ukununa. Ge ni mi ngadenuma wanuna.

Mitiyegec 42:1

Kate burumakabisicngo dokuac ammiu doku hofocande, ubaonganango ifi isoc Anutu ge hofocgude.

Mitiyegec 51:14

O Anutu, memengerecnaac Anutu, ni ngic kopocsiha kpacfu eng kpehomebaiac imohacnac mesinuna. Ge ifi anna ni nedzarannango imocac sogac sogai yegec kunengngoc heigemma geng ebicfunac mesinunec, imoc edeyunubade.

Mitiyegec 53:1

Ngicngac negen ngentegecngina kpac, yeni herenginau yofi negemma deandae, “Anutu mong mi kecde, kpac yombong.” Yeni fakangina manganeu faka mangana yombong hania hania angkecma yenearunac mongngo faka gombunga mi anude.

Mitiyegec 62:7

Neac memengerec nga eweheihei imoc Anutuarunac haude. Yennoc neac hoc peperandzitoa seria nga ni Anutuac hoannu kemma sufubade.

Mitiyegec 65:5

O Anutu, memengerecnina, ge nunumunina negemma fakaga mi hehena amma turunga merennemmema ebicfunac mesinununade. Bangec tegia fekende, imocac ngicngacfora nga ngicngac kondung ferahema tegiau kecdae, yeni sasawango kekecnginau wiac fora fingerudeac ge negensiguma tomaiga kecgecde.

Mitiyegec 68:19

Kebungo nasosoc sesehenunuma nanggenunukecde, ye keneheni. Anutu ye memengerecnina. Selac

Mitiyegec 79:9

O Anutu memengerecnina, kpacga imoc kuc nga kibikperagiagoc, imocac meficnununa. Ge kpac kunenggaac amma ebicfunac mesinunuma kopocsicnina wana.

Mitiyegec 86:3

O Kebu, ni asoacnac kemma marai gearu kiackecduaeac ge neac ubaga manganeu.

Ruka 1:47

Anutu memengerecna, ongaasunango geac amma sogaide.

Ruka 18:7

Anutungo ngicngacfora meisingngunuec, ngeneac amma modzea mi tiude. Ngeni hadzing toforec ye meficngunuudeac kiacnginango yearu kenu ye ngeneac amma faka dindingacfu meficngunuudenoc.

Ruka 2:37

Homeu ye hotsec kecmanu kifaya 84 anec. Amma yeng womong mi wawa hadzing toforec yaka segekecma Anutu numumikefec.

1 Tesaronike 3:10

Nga neni kicmesungina hennideac hadzing tofocnac heregoc seriyombonggema numukecdimbe. Nga negen negensingnginau kpedadanggedae, imoc meficngununideac negendimbe.

2 Timoteo 1:3

Esangabofocna yeni Anutu eweheimigec, ifi isocngoc herenegen negenna kpetiacgoc kecma eweheimima dangge deduae. Ifi dema hadzing tofocnac numuma imohai ge negensiguma kecduae.

Tito 2:10

Yeni ine mingingfocngina yenearunac wiacbisic mong heikpesia kpac eng mi mekembisia, kpac. Yeni ua sasawa mekecma yoac modac modac ngicngac ambisia. Amma yeni faka ifia anggec Anutu memengerecninaac kpoukpouyoac imoc ngicngac yeni ubangerehagoc negenggecde.