Mitiyegec 85:12 - Deduamiti

¹² Fora, Kebungo wiac gombunga nemmeu bangecninaac semeng uango semeng monggoc meficgeude.

Yoak kekehagocac Dzadzahac gboria nga Mitiyegec

¹² Fora, kebungo wiac gombunga nemmeu bangecninaac semeng uango semeng monggoc meficgeude.

Mitiyegec 85:12 ပူးပေါင်းရင်းမြစ်များ

Mitiyegec 67:6

Anutu ye nenang Anutu. Yeng kenecnunuu bangecngo semeng gombunga meficgenemmeude.

Mitiyegec 72:16

Bangecfu semeng homac fingeru ngicngac yeneng monggoc yakaac mi obohobisia. Semeng imoc tiki buma bumau mekemmeha anggec Lewanon bangec isoc ambeso. Taong sasawa fekendae, ngicngac yeneng imohai kecdae, yeni kpindzingngo manennu sabayagoc yombong angande, ifi isoc ambisia.

Mitiyegec 84:11

Nocac Kebu Anutu ye wenac nga kaso. Ye wosoefac nga eweheihei anemmema ngicngac dindingac kecandae, yeni faka gombunga ayemmema wiac gombunga mong naric mi segereyemmeude.

Mika 6:8

Ngicfunac fingec fingera, nocwiacngo gombunga ande nga Kebungo geac damoc deec, imoc bic edzacguec. Imocac ge fakafora, ubamanganggoc kekecac songo negennegeng nga ruaegoc kekec amma memaemema kekec, imoc Anutugagoc kecma modacna ngereeude.

Dzekarya 8:12

Amma ngicngacfocna toseanec komoc kpema kecdae yenearu wiac sasawa yomoc fingerudeac faka yofi mebesandua, Yeni ruaegoc kecma ama uangina heihomec ambesandae. Ammagec asomenggac dzimbong titikucngo bangecnginau danggunuc meu waingnginango foragoc andacbesande nga bangecnginango ifingoc semengagoc ambesande.

Mataio 13:23

Nga gbomea bangec kerehagocfu heiec, imoc ngic mong ye eucererenggac yoac negemma negentegerude, ye isoc. Ngic ifia yearunac goango fora 100 nga goango 60 amma goango 30, ifi fingerude.”

Mataio 13:8

Nga gbome goango bangec gombungau heima fora fingerec. Imohacnac goau 100 fingerec nga goau 60 amma goau 30 fingerec.

Aposoro 2:41

Anu wenac ihai ngicngac 3 tauseng yeni Petoroac yoac negensinggema doku nadzicma Yesuac habuu torokpegec.

Aposoro 21:20

Paurongo yoacsiduc ayemmeu Anutu afehegec wisickeu Pauro yofi edegec, “Tosonina, ge yudangic tauseng dafiguc ferahema habunoc efeango Yesu negensinggema kecdae. Nga yeni sasawango Moseac dedeseriyoac seria mekecandae.

1 Korinti 1:30

Anutungo negengngemmeecac ngeni Yesu Kristogoc kpeketahema kecdae. Yeng Yesu sueu Anutuac negen negentegec botucninau mehaec. Mehau nenang Anutuac kicfu dindingac nga kpetiac annideac yeng kopocsicac witicfunac mesinunuec.

Efeso 1:3

Nenang Kebunina Yesu Kristo, yeac Anutu Manggac kenehebisina. Kristogoc kpeturanggema kecdimbeac amma yeng kurumenggac kenec Asuac arennu fedacde, imoc sasawa nemmeec.

Yakobo 1:17

Anutu ye kurumeng kperagiac manggac amma yearu kundung mong mi kpeude, kpac. Yearu kperagia feec nga fede amma fekengkecbesande. Nga yeng wihacnac wiac gombunga nga soronga suenemmeu maude. Ye ubangereha ifi nemmekecde.