Mitiyegec 82:8 - Deduamiti

⁸ O Anutu, bangeha bangeha ngicngacareng sasawa yeni geac. Imocac ge yacma bangecfu desi desi uaga mebesena.

Yoak kekehagocac Dzadzahac gboria nga Mitiyegec

⁸ O Anutu, bangeha bangeha ngicngac areng sasawa yeni geac. Imocac ge yacma bangecfu desi desi uaga mebesena.

Mitiyegec 82:8 ပူးပေါင်းရင်းမြစ်များ

Mitiyegec 102:13

Ge monggoc yacma Tsionggac ubaga manganeu. Yagucnoc ubamangang amminadeac naso memea hade.

Mitiyegec 12:5

Ifi degec Kebungo ine yoac yofi dede, “Yeni makpekpea memayunuma memanganeyunuandae. Anu ngicngac yeni ebic witiau kecma asoringa ayemmede, imocac yaguc yacma onggongyunubade. Yeni sufu sufuu ruaegoc tacgecdeac ayemmeudeu neng meyunuma hoannau faiyunubade.”

Mitiyegec 2:8

Ge wiac gembadeac kpesinenna ni ngicngac bangec monnunac desigemba yeneng geac anggecde. Bangec tegia fekende, yeni sasawa geac anggec geng mingingngina annade.

Mitiyegec 22:28

Kebu, kuc minginango bangec monnunac ngicngac garengyunuude.

Mitiyegec 44:26

O Kebu, ge gborima yacma ebicfunac yungecnununa. Ge yoac dedzege amma imoc modacannecac amma meficnunuma bummenunuma ebicfunac yungecnununa.

Mitiyegec 7:6

O Kebu, ge ngaba amma yacna. Ngabafocna yeni herengina buu geng yacma memayunubesena. O Anutuna, kopocsicac turunga fingecyemmeudeac deserinecac amma ge gborima yacma meficnuna.

Mitiyegec 76:10

Bangecngic yeneac herebu, imocngo ge dengereguude. Ge herebuac tosea kebanggau dzegena dzikacac wiacga ande.

Mitiyegec 94:2

O bangecac desi desi ngic, ge yacna. Ngic goa yenanggac negenggec engena angkecde, geng ngic imoc angammemenginaac turunga merengyemmebesena.

Mitiyegec 96:13

Kebungo hadeac amma yeac kicfu sogaibisia. Ye bangecfu desi desi ua meudeac hama bangec sasawa faka dindingacfu isingyunuma ngiha ngiha faka forau yoacngina desiude.

Mika 7:2

Bangecfu yoac modacmodac yeni sasawa kpac andacgec nga ngic mongngo dindingac mi kecdae. Yeni ikocfu sac kpakegecdeac tomai feandae amma yenaocngoc uficfu meemegedeac uficngina faiandae.

Mika 7:7

Anu neanna ine negennegenna Kebuaru faima Anutu memengerecna yeac tomai kecbare yengenaoc negennenude.

Tsefanya 3:8

Kebungo yofi dede, “Ngeni neac tomai kecbisia nga naso mong hasikebesande, naso imohai ni yacma namma fakangina henai imocac sirihau yoacngina desibesandua. Amma bangeha bangehaac ngicngac ngictaufocnginagoc yeni heitaiyunuma kpedzucyunubesandua, ni imoc bic deseriai. Amma ngabanaac gerec imoc hetinggeba witinginau embesande. Nga herebunaac gerecngo bangeha bangeha borang tima dzedacbesande.”

Yohaneac kpefing 11:15

Anu angero wisic wisickeango trampeha fifiu kurumennunac enacudumengtoa mong fingecma yofi degec, “Kebunina nga yeac danggunucngic Kristo yeri yaguc bangectoa bangec sasawaac mingina andape. Amma Kebuninango ngictau kecde nga kecengkecma kecbesande.”