Mitiyegec 82:5 - Deduamiti

⁵ Yeni ine wiac mong mi negemma wiac naric mi negentegecma kundung manau kengkecdae. Ifi anu bangecac titiseri sasawango goroc goroc andae.”

Yoak kekehagocac Dzadzahac gboria nga Mitiyegec

⁵ Yeni ine wiac mong mi negemma wiac naric mi negentegecma kundung manau kengkecdae. Ifi anu bangecac titiseri sasawango goroc goroc andae.”

Mitiyegec 82:5 ပူးပေါင်းရင်းမြစ်များ

Mitiyegec 11:3

Ngic yeneng dedeseriyoaraac titiseri kpetotieyunuma meickegecdeu ngicngac dindingac yeneng wiac imoc mengeregecdeac obohogecde.

Mitiyegec 14:4

Yarengic yeni wiac negemma negen negentegecgnginagoc mi anggecde. Nga ngicngo yaka neandae, yeni ifi isoc ngicngacfocna neyunuma Kebu ine naric mi kpacgecde.

Mitiyegec 53:4

Ngicngo yaka dzegoc neandae, yarengic yeni ifi isoc ngicngacfocna neyunuandae, yeni memeficac Anutu mi kpacgecde. Yeni negen negengtegecngina kpac.

Mitiyegec 75:3

Bangec nga bangecfu ngicngac kecdae, yeni imohai goroc goroc amma kockpac anggecde. Ni neannaoc bangecac wotungtoa meseriyunuma nanggeyunuma kecduae.” Selac

Mitiyegec 99:1

Kebu ye ngictau amma ye ngiha ngiha garengyunuu yeni dzonong fedefedegoc kecbisia. Ye keruw botucnginau ngictau tatahau taru usocngo bangecfu mebeso.

Mika 3:1

Ifi anu yofi deai, “Yacakowac esamedac yeneac enara nga Isracelac oruha, ngeni kedzac kpema negenggec. Ngeni faka dindingacac fagung faficgoc kecgec ngereebac,

Yohane 12:35

Ifi degec Yesungo deec, “Kperagingo naso wegenanecsac ngenigoc kefude. Kundunggac kucngo semengunubacac ngeni kperagi fengemmemanu kperagigoc kecbisia. Ngic mong ye kundunnu kengkecde, ye sing dafiu kende, imoc naric mi negentegerude.

Yohane 3:19

Yoacninaac desi desiac hania imoc yofi, kperagingo bangecfu hau ngicngac angammemengina manganaac amma kundunggac songo monggoc negemma kperagia wagec.

Roma 1:28

Ngicngac yeni Anutu negemmibesonga negenggec wiac mamea anu faka imoc ngadehema wagec. Imocac amma Anutungo ifingoc kpae mi heima wayunuec. Wayunuu yeni faka kpedahango fenggeyunuu faka ngicngo mi angana, yeni imoc modacma angemekecgec.

2 Timoteo 2:19

Anu Anutungo wotung seria faiu kemeec nande, imoc goroc goroc naric mi anude. Imohai yoac yofi oho ohoya fede, “Kebungo ngicngacfora negengyunuude.” (Bki 16:5 Septuaginta mitikibiunac.) Nga mong yofi, “Ngicngac Kebuac kpac kpacandae, yeni faka nga angammeme kopocsicgoc, imoc sasawa wama araing kecbisia.”

1 Yohane 2:11

Nga mong ye ogea ubango ukuude, yeng ine kundung manau kengkefude. Nga kundungngo kiwa mekundungkpeu ye sing dahai kende, imoc mi negenude.