Mitiyegec 80:4 - Deduamiti

⁴ O Kebu Anutu, kurumenggac wasaiareng kunengngina, ge ngicngacfocga neneac nunumuac ngaba negengkecnec, imoc wisickeudeac tomai kecdimbe.

Yoak kekehagocac Dzadzahac gboria nga Mitiyegec

⁴ O kebu Anutu, kurumenggac wasaiareng kunengngina, ge ngicngacfocga neneac nunumuac ngaba negengkecnec, imoc wisickeudeac tomai kecdimbe.

Mitiyegec 80:4 ပူးပေါင်းရင်းမြစ်များ

Mitiyegec 31:17

O Kebu, ni kpacguduaeac negennenna. Ngaba yeneng game kpekpeu fainubauac ge kpae heiyemmena. Ngic Anutu ngadehema mangana megecdeac ayemmeande, yeni ine game kpekpeu faiyununa homecamau kemema ihai waickema tacbisia.

Mitiyegec 4:7

Ngic goa yeni semeng uanginau wit nga waing gboria efea kpac fingeru sogaigecde anu geng sogac sogai herenau fainec, imocngo ine yeneac ubangerec ferahade.

Mitiyegec 59:5

O Kebu, Anutu kurumenggac wasaiareng kunengngina, ge Isracel neneac Anutu. Ge gauunac yacma bangec monnunac ngicngac mi negenggudae, yeni sasawa kopocsicnginaac amma turunga kpouyemmena. Ngic ikocngina mesufuma yarefaka arenggeandae, yeni mi onggongyunubesena. Selac

Mitiyegec 60:3

Ge ngicngacfocga kpendzengtoau fainunuma waing seria gumecnununa neinggac hanititinina goroc goroc anu sicsaucfu kengha aning.

Mitiyegec 74:1

O Anutu, ge nocac wanunuma ukununudacnec? Rama habufocga geac bangecfu kecdimbe, ge nocac herebugango nunuma hosuc isoc kporacnununec?

Mitiyegec 79:5

O Kebu, faka imoc wisickeudeac tomai kecdimbe. Ge herebu negennemmena imocngo wisic wisickea kpac fekefude, ifi isoc ande. Nga ge keracmangang anemmena imocngo gerec isoc dzeu mi wisickede, ifi isoc ande.

Mitiyegec 85:5

Ge neni nasoya nasoya ngaba anemmekecma fingecsahenina fekefudesoc, ge yeneac herebu ifingoc negengkecnade, imoc henni mi ngereede.

Danicel 9:17

O Anutunina, ge kedzac kpema enactofoc tofohongicgaac nunumu yomoc negenna. Nga geac kpacga kpacma kpacsambic anggemma sasawa numuduae imoc negenna. Amma ge geanggaac amma kicmesugango kpetiac womongga kpedzac kpedzamea mekperagina kperagiagoc monggoc ambeso.