Mitiyegec 79:5 - Deduamiti

⁵ O Kebu, faka imoc wisickeudeac tomai kecdimbe. Ge herebu negennemmena imocngo wisic wisickea kpac fekefude, ifi isoc ande. Nga ge keracmangang anemmena imocngo gerec isoc dzeu mi wisickede, ifi isoc ande.

Yoak kekehagocac Dzadzahac gboria nga Mitiyegec

⁵ O kebu, faka imoc wisickeudeac tomai kecdimbe. Ge herebu negennemmena imocngo wisic wisickea kpac fekefude, ifi isoc ande. Nga ge keracmangang anemmena imocngo gerec isoc dzeu mi wisickede, ifi isoc ande.

Mitiyegec 79:5 ပူးပေါင်းရင်းမြစ်များ

Mitiyegec 103:9

Ye nasosoc mesuninau mi nunukefude nga ye ngaba nasoya nasoya mi mekecbesande.

Mitiyegec 6:4

O Kebu, ge dzigene hama kekecna ebicfunac mesina. Ge yoac dedzege amma imoc modackecnecac ebicfunac mesinuna.

Mitiyegec 74:1

O Anutu, ge nocac wanunuma ukununudacnec? Rama habufocga geac bangecfu kecdimbe, ge nocac herebugango nunuma hosuc isoc kporacnununec?

Mitiyegec 80:4

O Kebu Anutu, kurumenggac wasaiareng kunengngina, ge ngicngacfocga neneac nunumuac ngaba negengkecnec, imoc wisickeudeac tomai kecdimbe.

Mitiyegec 80:5

Geng kickumanina gumecnununa imocngo yaka nga dokunina ande.

Mitiyegec 85:5

Ge neni nasoya nasoya ngaba anemmekecma fingecsahenina fekefudesoc, ge yeneac herebu ifingoc negengkecnade, imoc henni mi ngereede.

Mitiyegec 89:46

O Kebu, ge mesufuemema monggoc kicninau fingecnadeac tomai kecduae. Ge nasoya nasoya ifi sufuma kecnade, ifi isoc ande. Geac herebu gerec isoc dzekecde, imoc wisickeudeac tomai kecduae.

Mitiyegec 89:47

O Kebu, kekecna imoc wegenanecsac ande, imoc negenna febeso. Ge ngicac medacfora fainununa eng fingecma kpac annide.

Mika 7:18

Mongngo Anutu ge isoc mi kecdae, ge maridzomingfocga tosea kecdae, yeneac kopocsic wayemmeannec. Amma herebu naso herea mi mekecma ubamangang ayecayemmeac negenna ngereeande.

Tsefanya 1:18

Kebuac herebuac nasou gol nga silwanginango naric mi onggongngunuude. Ngeni nga ngicngac bangeha bangeha kecdae naso imohai yeac herebuac gerecngo bangeha bangeha borang tima ngicngac sasawa bangecfu naso imohai kecgecde, ngeni sasawa ngonohodacbesande.

Tsefanya 3:8

Kebungo yofi dede, “Ngeni neac tomai kecbisia nga naso mong hasikebesande, naso imohai ni yacma namma fakangina henai imocac sirihau yoacngina desibesandua. Amma bangeha bangehaac ngicngac ngictaufocnginagoc yeni heitaiyunuma kpedzucyunubesandua, ni imoc bic deseriai. Amma ngabanaac gerec imoc hetinggeba witinginau embesande. Nga herebunaac gerecngo bangeha bangeha borang tima dzedacbesande.”

Dzekarya 1:12

Ifi degec Kebuac angero myrtle ic manau nanec, yeng yofi deec, “Kurumenggac wasaiareng habuya habuya yeneac Kebu geng kifa sewenti Yerusalaim nga Yehuda bangecac taong fekende yeneac herebu negenyemmenec amma kifa homac yombong ubamangangga segereyemmenec.”

Yohaneac kpefing 6:10

Yeni ihai fema kucgoc arohoma yofi kpacgec, “O Kuctoa mingina, ge kpetiackekec nga yoac foraac mingina, ge nocac turung kpoukpou naso mehereema sacninaac kopocsic negemma ngic bangecfu kecdae, yeni kopocsicnginaaac turunga mi yemmenec.”