Mitiyegec 78:6 - Deduamiti

⁶ Fingecsahe ngade feengkefude, yeneng imoc negenggecdeac negenec. Nga nambaracfocngina mi fingecgecngo ngade fingecgecde, yeni imoc negenggecdeac edeyunubesandae.

Yoak kekehagocac Dzadzahac gboria nga Mitiyegec

⁶ Fingecsahe ngade feengkefude, yeneng imoc negenggecdeac negenec. Nga nambaracfocngina mi fingecgecngo ngade fingecgecde, yeni imoc negenggecdeac edeyunugecde.

Mitiyegec 78:6 ပူးပေါင်းရင်းမြစ်များ

Esta 9:28

Amma Yehuda yeneng Purim uameme imoc nigecyunubacac nga fingecsahenginau naso imocngo nigera ambacac wagec eng mi fekecbeso. Anu prowins sasawa nga taongtoatoa sasawa amamanasoc fingecsahe feengkefude, yeneng naso yomoc negensima kpabanggekecbisia.

Mitiyegec 102:18

Ngicngac fingecsahe ngade anggecde, yeneac amma yoac yomoc kibiu ohogec ngicngac yeneng ngade fingecma Kebu eriendzong memibisia.

Mitiyegec 145:4

Ngicngac yofinenggac kecdae, yeneng angammemegaac siduc nambaracfocngina edeyunugec yeni ngade fingecgecde, yenearu deyadiyemmekecma kucfakaga damu damuyagoc dekperagiyemmegecde.

Mitiyegec 22:31

Yeneng yeac fakaya dindingac, imoc ngicngacareng ngade fingecgecde, yeni edeyunugecde. Ye uaya ifi mesiec, imoc edeyunugecde.

Mitiyegec 48:13

Ngeni Tsiontikiac oda dafia, imoc mengere hemma ngictauac amaseria hembisia. Hemma fingecsahenina fekefude, imocac siduc yofi meyemmebisia.

Mitiyegec 71:18

O Anutu, ni kpengeng yegbonnagoc ambade, ge imohai ifingoc mi ngadenuna amma mi wanuna. Ge nigoc kecmana fingecsahe hakecgecdesoc, yenearu ifingoc geac kucfaka engena dekperagiyemmebade.

Mitiyegec 90:16

Geng ua mekecnec, imoc kingangngicfocga nenearu didiu edzacnunuma kucga damu damuyagoc imoc esamedacfocninango hembisia.

Makekeng 10:2

Anu ni Aigita yeni neac kucfakana bibiagoc edzacyunuba kpidohogec imocac siduc esamedacfocga yeneac kedzacfu denade amma ni Kebu, imoc negentegecgecde.”

Yoele 1:3

Ngeni nambaracfocngina wiac imocac edeyunubisia nga nambaracfocngina yeneng yenang nambarac edeyunugec, yeneng nambaracfocngina nga fingecsahe ngade feenudesoc edeeme kecbisia.