Mitiyegec 77:2 - Deduamiti

² Ni ebicnasou Kebu meficgebadeac uatoa mekecma tofocnac kucmamea kpac kecma marina Kebuaru miackecba ubaonganango memeseriac memefic naric mi meude.

Yoak kekehagocac Dzadzahac gboria nga Mitiyegec

² Ni ebicnasou Kebu meficgebadeac uatoa mekecma tofocnac kucmamea kpac kecma marina Kebuaru miackecba ubaonganango memeseriac memefic naric mi meude.

Mitiyegec 77:2 ပူးပေါင်းရင်းမြစ်များ

Fingec fingec 32:28

Ifi deu yofi dema edeec, “Ge Anutu nga ngic yenigoc momoc dzikac kpema firang andanggac geac kpacga Yacakow monggoc mi kpacbesonga. Geac kpacga imoc Isracel ifi debesonga.”

Fingec fingec 37:35

Ifi anu nambaracfora yeni sasawa hadacma demekiri ammigecdeac hadacgec. Hadacgec yenemma yoac imoc wama yofisac deec, “Ni kiac ubahodung amma kecma homema medacnaaru homecamau kembade.” Mamango ifi dema kiac ubahodung amma kefec.

Mitiyegec 18:6

Ni ebicfu kecma Anutunango meficnuudeac kpacbare yeng womongau tacma ubaudumenna negemma kedzac kpema kiacna negenec.

Mitiyegec 50:15

ebicnaso hau ngeni ni kpacnugec neng ebicfunac mesingunuba ngeneng ni afenubisia.”

Mitiyegec 55:17

Ebicngo memanuu asoringa anenu ni asoac nga marai amma tofocnac imocac kiacma ebicyoacna edeba yeng ubaudumenna negenude.

Mitiyegec 63:6

Ni kecnegeng naso amma tofocnacsoc fefenau fema ge negensiguma geac negensikecma feanduae.

Mitiyegec 86:7

Geng turunga merennennadeac ebicnasonau kpacgubade.

Yohane 11:31

Kenu yudangic yeneng demeefaiac hama tacgec, yeni Mariango gereagoc yacma kenu hemma ye kicsereu kiarudeac kende dema modacgec.

Hebiraio 5:7

Yesungo bangecsebigoc kecma yofi numuec, “Ge homecfunac megborinubesena.” Ifi numumima kpacsambic ammima kunengngoc arohoma kiarec. Nga ye Anutu eweheimima enac tofoc tofoho kefecac Anutungo nunumuya negenec.