Mitiyegec 72:15 - Deduamiti

¹⁵ Ngictau ye naso hereangoc kecbeso. Arabiaac Seba bangecfunac ngicngac yeneng gol mema ye mibisia. Yeac tatahoc numuma asoacnac kemma marai ye kenehebesonga.

Yoak kekehagocac Dzadzahac gboria nga Mitiyegec

¹⁵ Ngictau ye naso hereangoc kecbeso. Arabiaac Seba bangecfunac ngicngac yeneng gol mema ye mibisia. Yeac tatahoc numuma asoacnac kemma marai ye kenehebesonga.

Mitiyegec 72:15 ပူးပေါင်းရင်းမြစ်များ

Mitiyegec 21:4

Ye kekecac kpesigenu geng kekec mina nasoya nasoya fekengkefude.

Mitiyegec 45:4

Ge ngictau kucgagoc kecma dzikacac becosicfu tacma yoac fora nga yumiakekec amma dindingac kekec meseriyununadeac kucgoc kemma firang ambesena. Ge marifoigango kucfaka wiac engena yombong kpougembeso.

Mitiyegec 72:19

Yeac kpac kuneng imoc kuc nga kibikperagiagoc, imocac nasoya nasoya ye kenehebesonga. Yeac kuc nga kibikperagiango bangeha bangeha sokodacbeso. Imoc fora nga fora yombong.

Mataio 2:11

Taru yeni amau emma sabac nga nonggea Maria yerenggec. Yeremma fafoc heima ngonducnema ye afehegec. Amma finachienginaunac ubangerecac wiac yofi widicma migec, gol nga hosuc homungkerengagoc amma icsopea homuna gombunga kpara mira.

Mataio 21:9

Nga ngicngac habutoa kiwau kenggec nga ngadeau modacgec, yeneng kpacma yofi degec, “Ohec waec, Dawidiac kisicfunac, ohec. Ngic Kebuac kpacfu hade, ye kenehagoc. Wi kurumennu kpara dengeregec, ohec waec, hosanna.” (Myeg 118:26)

Mataio 6:10

Nga eucererengga hanemmebeso. Kurumennu geac songo nga negen negeng modacgec fede, siriha imocngoc bangecfu nenearu fingecbeso.

Yohane 11:25

Ifi deu Yesungo yofi edeec, “Homecfunac yacyac nga kekec, imoc ninoc. Mong ye ni negensinnude, ye homeude nga sifu kefude.

Yohane 14:19

Naso wegenanec wisickeuguc bangectoa bangec imocac ngicngac yeneng ni monggoc mi nenggecde nga ngeneng ine nenggecde, nocac ni kecduaeac amma ngeni kecgecde.

2 Korinti 13:14

Kebunina Yesu Kristoac danggunuc nga Anutuac heresongogoc hoangemekekec amma Tiri Asugoc ureckekec, imocngo ngicngac sasawa ngenearu fekecbeso.

Firipi 2:11

Ifi anecac ngicngac sasawa yeni enacnginango Yesu Kristo ye Kebu, ifi dekperagigec dedengerec imocngo Anutu Manggacac ambesande.

1 Tesaronike 3:11

Anu Mannina Anutu nga Kebunina Yesu yereng sinnina edzacnunumaec neni ngenearu habisina.

2 Timoteo 4:22

Kebungo geac ongaasugoc kecbeso. Nga danggunuhango ngenearu febeso.

2 Petoro 3:18

Nga ngeni Kebu memengerecnina Yesu Kristo yeac danggunuc nga negen negengtoa imohai yadiseri ambisia. Ye yaguc nga nasoya kpac dengerebesonga, imoc fora.

1 Yohane 1:2

Kekec imocnoc fingectegeru hemma kekecseri mingina yeac hepuc amma dekperagima edengunudimbe. Yeng warac Manggacgoc kefecngo nenannu fingerec.

Yuda 1:25

Memengerecnina Anutu mocgungo kecde. Kebunina Yesu Kristo yeac amma eweheimima dengereni, yeng engenatoanina nga kuc mingina amma wiac sasawa fede, imocac buma ande. Ye wiac mi fingecmanu kefec nga yaguc kecde amma kecbesande, imoc fora.

Yohaneac kpefing 1:18

Henna, ni homeai nga monggoc gbori kecduae. Nga negenna, ni wisic wisickea kpac kecengkecma homec nga homecama yereac ki mekecduae.