Mitiyegec 69:32 - Deduamiti

³² Ngic yeni ogofocngina ebicfu faiyunugec yeneng ubaebicgoc andae, yeninoc imoc hemma ubangerec negembisia. Ngicngac Anutu hofocandae, ngeni herengina kekecgoc monggoc anude.

Yoak kekehagocac Dzadzahac gboria nga Mitiyegec

³² Ngic yeni ogofocngina ebicfu faiyunugec yeneng ubaebicgoc andae, yeninoc imoc hemma ubangerec negembisia. Ngicngac Anutu hofocandae, ngeni herengina kekecgoc monggoc anude.

Mitiyegec 69:32 ပူးပေါင်းရင်းမြစ်များ

Mitiyegec 22:26

Ngicngac makpekpea yeni nema gebecyunuude nga ngicngac Kebu hofocandae, yeneng ye dengeregecde. O, ngeni herengina nasoya nasoya fekecbeso.

Mitiyegec 22:29

O, bangecac ngicngac yeni yenanggac negenggec wiac engena ande, yeni sasawango yeac kicfu ngonducnegecde. Yeni sasawango yeac kicfu ngonducnema bangecfu sendunnu kenggecde. Ngic yeni kekecngina garenggegecdeacsoc mi amma homedacgecde, yeni yeac kicfu ngonducnegecde.

Mitiyegec 25:9

Ye ngicngac yumia faka dindingac modacma hesicyunuma yengena sing edekpou ayemmeude.

Mitiyegec 34:2

Ubaonganango Kebuac negenu wiac engena anu ye dengereba. Ngicngac makpekpea yeneng imoc negemma sogaibisia.

Mitiyegec 50:13

Ni burumakaac fusia mi neanduae nga noninggac sawa ifingoc mi neanduae, kpac.

Mitiyegec 50:14

Ngeni Anutu ubangerec ammigec imocngo sesengina ambeso. Ngeni Anutu Engenatoaac kpacfu wiac deserima dema imocac fora meficgegec

Yohane 16:22

Ngeni imocacsoc yaguc ubaebicgoc kecdae. Amma monggoc ngenemba imohai ngeni ubangerec negemma sogaigec ngic mongngo sogac sogaingina imoc naric mi meickeude.

Yohane 20:20

Ye ifi dema maria nga pandzenga edzacyunuec. Edzacyunuu medacfora yeni Kebu hemma sogaigec.