Mitiyegec 69:13 - Deduamiti

¹³ O Kebu, ni sifu gearu numuduae. O Anutu, geng yoac dedzege amma imoc modackecnec, imocngo mi kpac anudeac amma nasoya hau geng turunga merennembesena. Yoac modac modac Anutu, ge meficnubesena.

Yoak kekehagocac Dzadzahac gboria nga Mitiyegec

¹³ O kebu, ni sifu gearu numuduae. O Anutu, geng yoac dedzege amma imoc modackecnec, imocngo mi kpac anudeac amma nasoya hau geng turunga merennembesena. Yoac modac modac Anutu, ge meficnubesena.

Mitiyegec 69:13 ပူးပေါင်းရင်းမြစ်များ

Fingec fingec 24:27

“Kunenna Awrahamgac Anutu, Kebu ye dzadzahac modacande faka imoc mi waec nga yoac deec imoc modacma kunenna gombunga ammide ye kenehebeso. Yeng ni dindingac yombong wangecnuu kunennaac arengfora yeneac amau hasikedua.”

Esta 5:2

Fima Ngactau Esta ama manaac sobenu nanu hemma negeng ngereemima kapong golngo memea imoc mema Esta gbong kpeec. Anu Estango ifi hemma wegenac kemma kapong dumbengau kpesereec.

Esta 5:6

Kemma waing doku nema tacma ngictaungo Esta monggoc kpesimiec, “Ge yoacga sibia damoc? Nga ge noc wiacac anggende? Ge eucererenna noboha gembadeac denadeu imoc geac andarude.”

Esta 7:2

Nga nesogaiac kenoc imohai waingdoku netacma ngictaungo monggoc yofi kpesimiec, “Ngactau Esta ge noc wiacac anggende? Nga ge yoacga sibia damoc? Ge eucererenna noboha gembadeac denadeu imoc desigembade.”

Mitiyegec 32:6

Anutuac enac tofoc tofohongic yeni ebic fingecyemmeu yeneng gearu numubisia. Numugec ebic kuneng me doku tunggbaungngo naric mi kpesereyunuude.

Mitiyegec 51:1

O Anutu, geng yoac dedzege amma imoc modackecnecac neac ubaga manganeu. Geac wosoefac imoc efea kpac, imocac neng singyoac kpema kopocsic meficgeai, imoc dzuacdacna kpac ambeso.

Mitiyegec 91:15

Ye kpacnuu ni turunga meremmibade. Ye ebic witiau kefu ni yegoc kecma ebicfunac mesima eweheihei ammibade.

Mitiyegec 98:3

Ye Isracel habu yenigoc yoac dedzege amma imoc modackecde, ye imoc negenu fekecde nga ye yoara modarudeac faka mong mi nigeckpeec. Anutuninango firang anec, imoc ngicngac bangec tegiau fekendae, yeneng henggec.

Mika 7:20

Ge warac mangesahocnina Yacakow nga Awraham yerigoc dedeseri fora menec, imoc modacma yereac fingecsahe neni ubamangang anemmema songoga edzacnununade.

Ruka 1:72

Nga Anutungo kisicnina Abrahanggoc yoac deserima deec, imoc negensima dzadzahac kpataninga modacma kisicfocnina wosoefac ayemmema

Ruka 22:44

Yesungo ine negengebirima seriangoc numuu sengerangango sac isoc amma bangecfu maec.

2 Korinti 6:2

Anutungo imocac yofi deec, “Nasokereng anu ni kedzac kpema nunumuga negenai. Amma ni noc nasou ebicfunac mesigubadeac imocac isinggema meficguai.” (Yes 49:8) Negenggec, yagucngoc nasokereng ande nga ye yofinenggac ebicfunac mesinunuude.

Hebiraio 5:7

Yesungo bangecsebigoc kecma yofi numuec, “Ge homecfunac megborinubesena.” Ifi numumima kpacsambic ammima kunengngoc arohoma kiarec. Nga ye Anutu eweheimima enac tofoc tofoho kefecac Anutungo nunumuya negenec.

1 Petoro 2:23

Nga yeni defagoc ammigec yeng turunga sowecyoac mong mi merenec. Nga kpendzeng kpema dekengec mong mi ayemmeec, kpac. Ye ebiha Anutungo yoac dindingac desikecde, yeac mariu faiemeec.