Mitiyegec 63:3 - Deduamiti

³ Geng yoac dedzege amma imoc modackecnec, fakaga imocngo kekec ferahadeac amma dengeregubade.

Yoak kekehagocac Dzadzahac gboria nga Mitiyegec

³ Geng yoac dedzege amma imoc modackecnec, fakaga imocngo kekec ferahadeac amma dengeregubade.

Mitiyegec 63:3 ပူးပေါင်းရင်းမြစ်များ

Mitiyegec 21:6

O, kenecgango yegoc nasosoc feengkecbesande. Ge yegoc kecnecac ye ubangerec negemma sogaima kefude.

Mitiyegec 30:12

Ge ifi anna ni waicke monggoc mi kecbade. Herenango yegec heima eweheiheigoc afegubade, o Kebu, Anutuna, ni nasoya nasoya ge eriendzong megembade nga megembesandua.

Mitiyegec 30:5

Ye ngabaya naso wegenanec mekefude nga fakaya gombunga imoc kekecninau sasawa fekefudengoc. Ge tofocnac kiacnade nga asoac sogac sogai meficgenade.

Mitiyegec 4:6

Ngicngac homacngo yofi deandae, “Wiac gombunga edzacnunugecdeac anemmede. O Kebu, ge kicmesugaac kperagingo nerarannununa.”

Mitiyegec 42:2

Ni dokuac homeanduae, ifi isocngoc ubaonganango Anutu kekehagoc yeac ammide. Ni kemma Anutuac kicfu namma ye hembade, naso imocac homac yombong tomai kecduae.

Mitiyegec 51:15

O Kebu, ni enacnango dengeregubadeac enacbibicna mesina.

Mitiyegec 66:17

Enacbibicnango ye kunengngoc kpacba nedzarannango ye bic afeheec.

Mitiyegec 68:25

Yegec heihei areng yeneng waraima wiac kpegec music fingecande, yeni wisic wisickeau hagec ngacnaroang yeni tambaringngina kpema botucnginau hadae.

Mitiyegec 69:16

O Kebu, geng yoac dedzege amma imoc modackecnec, imoc gombunga yombong nga ge wosoefacga efea kpac, imocac kicmesuga nearu monggoc merenna.

Mitiyegec 96:6

Eweheihei nga ngictauac kuctoa kibikperagiagoc imoc kebuaru fede. Yeac kpetiac amau kuc nga kibikperagia fede.

Makekeng 33:18

Ifi deu Mosengo deec, “Ge yaguc kuc kperagiga edzacnuna hemba.”

Roma 12:1

Ifi anu negen negensinggoc tosofocna, Anutungo wosoefac kuneng angemmeecac dederecge angemmema yofi deduae. Ngeni Anutuac kicfu asuu ua fora mema sebingina desigec imocngo Anutuac sese kekehagoc nga kpetiac anu yeng negenu ngereebeso.

Roma 6:19

Nga ngeni sebifusiac kucmamanginagoc kecdaeac ngeneac siricfu yofi deduae. Ngeni warac oruc kickedzac nga hanimaringina desiemema uba wonongagoc kekec nga singyoac kpekpe, imocac bageau wanacareng kecgec. Ifi kecma singyoac kpema kecgec. Ngeni ifi isocngoc yofinenggac oruc kickedzac nga hanimaringina desiemema dindingac kekecac bageau wanacareng kecbisia. Kecma kpetiac kekecfu yadiseri anggecde.

1 Korinti 6:20

Ngeni bungngina memea nga Kebungo bung imocacsoc faiec, imocac ngeni sebinginango Anutu kpac kuneng mibisia.

Firipi 1:23

Songo yohockangngo kpedzinuu kecduae. Kemma Kristogoc kecbadeac homac anende, imocngo wiac sasawa ferahema ngereeyombonggede.

Hebiraio 13:15

Imocac nenang Yesuac kpacfu Anutu nasosoc dedengerec ammini, imocngo sese fora ambeso. Enacbibicninango kpara dekperagikecma fora meficgebisina.

1 Yohane 3:2

Songo tosofocna, nenang yaguc Anutuac nambaracfora kecdimbe. Kecma dafi annide, imocac mi dekperaginemmeu negendimbe. Kecma yeng fingectegeru yengenangoc hennide imocac yeac siric isoc amma yengena onga ambesandimbe, imoc ine negendimbe.