Mitiyegec 61:2 - Deduamiti

² Ni bangectoa bangec tegiau namba woubocna kucmama anu kpacguduae. Ge hesicnuna hoc peperandzi herea mong feracnude, imohai kemma nambisira.

Yoak kekehagocac Dzadzahac gboria nga Mitiyegec

² Ni bangectoa bangec tegiau namba woubocna kucmama anu kpacguduae. Ge hesicnuna hoc peperandzi herea mong feracnude, imohai kemma nambisira.

Mitiyegec 61:2 ပူးပေါင်းရင်းမြစ်များ

Mitiyegec 142:3

Asuna ukuba kpeu geng haniana bic negennade. Ni sing kenganduae, imohai ngic yeneng menugecdeac botac faima sufuma takecdae.

Mitiyegec 143:4

Imocac asuna herena manau worau herenango ebic meficgema hoc isoc ande.

Mitiyegec 17:1

O Kebu, ni dindingac amma ebicfu kecma yoac deduae, imocac yoacna negenna. Ni arohoma kpacguba ge yoacna negenna. Enacbibicna ikoha kpacngo numugemba ge kedzac kpema nunumuna negenna.

Mitiyegec 18:2

Kebu ye neac hoc peperandzi seria, ye amana seria amma neac yungec yungecngic. Ye Anutuna nga neac hoc peperandzi seria anu ni yeac hoannu kemma sufuma kecbade. Ye kasona nga ye kuhagoc amma ebicfunac mesinuu yeac odaseriau kecbade.

Mitiyegec 18:46

Kebu kecde. Neac hoc peperandzi seria, ye keneheni. Anutu ebicfunac mesinuec, ye kpac kuneng mibesonga.

Mitiyegec 27:5

Ye ebicnasou yengena oda manau onggonnuude. Ye kporucwomongau mesufunuma wi hoc peperandzi seriau fainuu gombunga kecbade.

Mitiyegec 40:2

Ye kpetotiekekecac tennunac kpedzinuma goteng yohoctaunac tainuma hoc peperandzi seria witiau fainuu namba hanina meseriu tiseriduae.

Mitiyegec 42:6

Ni Yarden bangecfu nga Hermon amma Mitsar tikiu kecduae. Amma ubaherenaac kuha madeac Anutuna ni geac negemba fede.

Mitiyegec 43:5

O ubaongana, ge kucmama mi kecbesena amma ge herena manau dewaidzoc mi ambesena. Ni monggoc Anutu eriendzong memibade. Ge imocac ye negensima tomai kecna fora fingecbeso. Ye memeficna nga Anutuna.

Mitiyegec 55:5

Ni kpidohoma kengecnuu dzononna fedede. Ni kpidohoba kengectoango feracnuu ubaebicgoc kecduae.

Mitiyegec 62:2

Ye neac hoc peperandzi seria amma ebicfunac mesinuude. Ye amana seria anu mongngo menuu goroc goroc naric mi amba yeng naric mi meicnuude.

Mitiyegec 62:6

Yennoc neac hoc peperandzi seria amma ni ebicfunac mesinuude. Ye amana seria, imocac wiac mongngo menuu goroc goroc naric mi ambade.

Mitiyegec 77:3

Ni Anutu negensiba asoringa anenu ye hennegeng amma negensikecba ongana ebiriude. Selac

Ruka 22:44

Yesungo ine negengebirima seriangoc numuu sengerangango sac isoc amma bangecfu maec.