Mitiyegec 6:6 - Deduamiti

⁶ Ni asoringa anengkefu kucna kpac ande. Ni tofocnacsoc kiacba kickumana dokutoa isoc mama heifefena heiude. Amma ni homac kiacba kickumanango fefena meu boroc boroc yombong angande.

Yoak kekehagocac Dzadzahac gboria nga Mitiyegec

⁶ Ni asoringa anengkefu kucna kpac ande. Ni tofocnacsoc kiacba kickumana dokutoa isoc mama heifefena heiude. Amma ni homac kiacba kickumanango fefena meu boroc boroc yombong angande.

Mitiyegec 6:6 ပူးပေါင်းရင်းမြစ်များ

Mitiyegec 115:17

Homemea yeni Kebu eriendzong naric mi memigecde, kpac. Ngicngac ningkpe fedae, yeneng ye naric mi dengeregecde, fora.

Mitiyegec 30:10

O Kebu, geng negennemma ubamangang anenna, o Kebu, ge meficnuna.”

Mitiyegec 38:9

Kebu, ni wiac sasawaac anende, imoc negendacnec. Nga ni asoringa anenu imocngo gearu mi sufuude.

Mitiyegec 39:12

“O Kebu, ge nunumuna negenna memeficac kiacba ge kedzac faima negenna. Ni kickumana madeac ihoc bahoc mi anna. Ni kuricngic amma hama naso wegenanecsac kecbade. Ni esangabofocna isoc kuricngicsac anduae.”

Mitiyegec 42:3

Ni hadzing toforec kickumanango yakana angkefu ngicngac yeni nasosoc kpesinendae, “Geac Anutu mong mi hendimbe, kpac yombong.”

Mitiyegec 69:3

memeficac kiackecba kucna kpac anu ngorucbonna gbanggede. Ni Anutungo meficnuudeac kicfifi kecba kicna kundung kpebeso ande.

Mitiyegec 88:11

Geng yoac dedzege amma imoc modackecnec, ngic kicsereu fedae yeneng yoac imoc mi dekperagiandae nga ge yoac modac modac Anutu, imoc homecamau naric mi deyadigecde.

Mitiyegec 88:9

Ni ubahodunggoc kecba kicna kundung kpebeso ande. O Kebu, ni wenacsoc kpacguma marina gearu sinekecduae.

Ruka 7:38

Mekemma Yesuac ngadeaugeng haniau namma kiaru kickumiango mama Yesuac hani heiu urucsusiango imoc mekerenggema hania titikokoc ammima kerecdoku homuna gombunga imocngo hania nadzicmiec.