Mitiyegec 59:5 - Deduamiti

⁵ O Kebu, Anutu kurumenggac wasaiareng kunengngina, ge Isracel neneac Anutu. Ge gauunac yacma bangec monnunac ngicngac mi negenggudae, yeni sasawa kopocsicnginaac amma turunga kpouyemmena. Ngic ikocngina mesufuma yarefaka arenggeandae, yeni mi onggongyunubesena. Selac

Yoak kekehagocac Dzadzahac gboria nga Mitiyegec

⁵ O kebu, Anutu kurumenggac wasaiareng kunengngina, ge Israe neneac Anutu. Ge gauunac yacma bangec monnunac ngicngac mi negenggudae, yeni sasawa kopocsicnginaac amma turunga kpouyemmena. Ngic ikocngina mesufuma yarefaka arengandae, yeni mi onggongyunubesena. Selac

Mitiyegec 59:5 ပူးပေါင်းရင်းမြစ်များ

Fingec fingec 33:20

Anu ye imohai arata mong mema kpara yofi kparec El Elohe Isracel.

Mitiyegec 54:3

Kuricngic yeni yacma nubeso andae nga ubakpekpe ngicngo Anutuac negenggec engena mi angkecde, yeneng ngaba anemma kpebucnubeso andae. Selac

Mitiyegec 55:15

Homecngo ngabafocna meyunubeso. Yarefakango amangina nga herengina mewakeudeac yeni sebingina gbori femanu homecamau kemebisia.

Mitiyegec 7:7

Ngicngac yeni kicgau hama kpeturanggegec ge wi kurumennu ngictau tatacgau tacma garengyununa.

Mitiyegec 80:4

O Kebu Anutu, kurumenggac wasaiareng kunengngina, ge ngicngacfocga neneac nunumuac ngaba negengkecnec, imoc wisickeudeac tomai kecdimbe.

Mitiyegec 84:8

O Kebu Anutu, kurumenggac wasaiareng kunengngina, ge nunumuna negenna. Yacakowac Anutu ge kedzac faina. Selac

Mitiyegec 9:15

Ngicngac bangec monnunac Anutu mi negemmidae, yeni yenaoc teng usuma imohai kemegec nga ufic mesufuma faigec, imocngo haninginau meu mayunuec.

Makekeng 20:5

Ge imoc yeni mi ngonducneyemmebesena amma yeneac enac mi tofohobesena. Nocac ni Kebu geac Anutu, ni ngicngacfocna heresongogoc hoangyunukecduaeac yeneac keracmangang kpetiac amba herenau gerec dzede. Mong ye ni ubango ukunuudeu manggac yeneac kopocsic imocac turunga naroangmedac esangabofocngina fingecenggecdesoc arenga harebec nga neackpac kpouyemmebade.

Makekeng 3:15

Ifi dema torokpema edeec, “Ge Isracelngicngac yofi edeyunubesena, ‘Kebu kisicfocnginaac Anutu, imoc Awraham, Itsak nga Yacakow yeneac Anutu, yeng ngenearu suenudac. Kpacna imoc feengkecbesande, imoc fingecsahengina fingecenggecdesoc yeneng kpacna ifinoc kpacma kecbisia.’

Danicel 6:7

Eucererenggac ngickuneng sasawa nga satrap nga ngic yoac negen negentegecgoc yemmekecgec amma gawana neni sasawango uba mocgu amma negendimbe yoacseria mong ohoma singseria mong yofi deseribesonga. Uameme tetiac manau ngictau geac kpacsac kpacma numugembeso. Yeni anutu mong me ngic mong eweheimima numuyemmegecdeac kpae heiyemmebisina. Anu mong ye ifi mi anudeu laionyanggac teng manau ukugec kemebeso.

Amosi 9:7

“Isracelareng ngeneng neac kicfu Itiopia yenigoc siricngina mocgu mi andae me?” Kebungo ifi dekperagide. “Isracel, Ni Aigitanac mi meicguyai, me Perestia ngicngac yeni Kirikia nucfunac mi meyunuyai nga Siria ngicngac yeni Kir bangecfunac mi meyunuyai me?

Roma 9:6

Anutu yoara kuha made, ngeni ifi mi negembisia. Imoc yofi, Israengicngac Isracel fingecsaheunac, yenearunac goa Isracel yombong mi andae.

Yakobo 2:13

Ngic mong ye ngicngac ogofora wosoefacgoc mi ayemmekecde, yeac wosoefac faka mong yoacfu mi fingerude. Nga wosoefacgoc kekecngo yoacfu namma firang ambesande.