Mitiyegec 59:16 - Deduamiti

¹⁶ Ni ine kucgaac amma yegec heigembade. Geng neac amana seria nga ebicnasou geac hoannu haba geng sufu sufuamana angkecnec. Ge yoac dedzege amma imoc modackecnec, imocac asoacngoc ubana miacma fakaga imocac ubangerec yegec heibade.

Yoak kekehagocac Dzadzahac gboria nga Mitiyegec

¹⁶ Ni ine kucgaac amma yegec heigembade. Geng neac amana seria nga ebicnasou geac hoannu haba geng sufu sufuamana angkecnec. Ge yoac dedzege amma imoc modackecnec, imocac asoacngoc ubana miacma fakaga imocac ubangerec yegec heibade.

Mitiyegec 59:16 ပူးပေါင်းရင်းမြစ်များ

Mitiyegec 21:13

O Kebu kuctoagagoc, neni afeguma kuctoaga afehema yegec heinide.

Efeso 3:20

Anutu kuctoayango nenannu ua mekecde, yennoc ua hania hania engena yombong meudeac kuc femide. Amma yeac uango nunumunina nga negen negennina homac ferahedacde amma imoc wisic wisickea kpac.

Roma 15:9

Ifi anu bangec monnunac ngicngac, yeneng ifingoc Anutu wosoefahaac amma dengeregec. Imocac yofi oho ohoya fede, “Imocac ni bangeha bangeha ngicngacareng tosea, yeneac botucfu dengereguma yegecfu kpacga afehebade.” (2Sm 22:50; Myeg 18:49)

Mitiyegec 30:5

Ye ngabaya naso wegenanec mekefude nga fakaya gombunga imoc kekecninau sasawa fekefudengoc. Ge tofocnac kiacnade nga asoac sogac sogai meficgenade.

Mitiyegec 143:8

Ni negenseriguma yofi deba, “Geng yoac dedzege amma imoc modackecnec, ge asoacngoc imocac yoac edenubesena. Ubaongana gearu miacba ereudeac sing kpounenna ni imoc modacma kengkecbade.”

Mitiyegec 138:7

Ni ebic witiau kecduae, fora. Nga geng sifu kekecna onggonggekecnec. Ngabafocna yeneng herebu anenggec geng mariga sinema marifoigango ebicfunac mesinunade.

2 Korinti 1:10

Yeng homecac arennunac mesinunuec amma ye ngade ifingoc homecac arennunac mesinunuude amma mesinunubesande, neni yeac ifi negensinggema kecdimbe.

Mitiyegec 101:1

O Kebu, gearu yoac modac modac faka fede. Nga sing dindingac modacma yoacngina desinade, imocac yegec heigembade.

Hebiraio 5:7

Yesungo bangecsebigoc kecma yofi numuec, “Ge homecfunac megborinubesena.” Ifi numumima kpacsambic ammima kunengngoc arohoma kiarec. Nga ye Anutu eweheimima enac tofoc tofoho kefecac Anutungo nunumuya negenec.

Mitiyegec 145:11

eucererenggac kibikperagiaac siduc dekperagima kucgaac yoacsiduc dekperagibisia.

Mitiyegec 36:5

O Kebu, geng yoac dedzege amma imoc modackecnec, fakaga imocngo emma kurumenga kurumenga kpesereyunuude. Nga yoac modac modac fakagango wi emma hoeng kpesereyunuude.

Mitiyegec 31:7

Geng kpendzenna hengkecnec nga geng yoac dedzege amma imoc modackecnec, imocac ubangerec negemma sogaibade.

Mitiyegec 4:1

O Anutu, ge neac dindingac kekecna, ni kpacguba ge kpakpacna negemma turunga merennenna. Ebicfu ubaebic meficgeba geng titing meficgenenna kekecna ngereeu naric kefai. Ge wosoefac anemma nunumuna negenna.

Mitiyegec 89:1

O Kebu, geng yoac dedzege amma imoc modackecnecac nasoya nasoya yegec heigembade nga heigembesandua. Ge yoac modac modac Kebu, imoc enacbibicnango dekperagiba fingecsahe fekefudesoc, yeneng imoc negendacgecde.

Mitiyegec 88:13

O Kebu, ni sifu asoac anu memeficac kiacgemma arohoma gearu nunumuna faiba haude.

Mitiyegec 77:2

Ni ebicnasou Kebu meficgebadeac uatoa mekecma tofocnac kucmamea kpac kecma marina Kebuaru miackecba ubaonganango memeseriac memefic naric mi meude.

Mitiyegec 46:1

Anutu ye sufu sufuamanina nga kucnina. Ye ebicnasou nenigoc nasosoc kecma meficnunuude.

Mitiyegec 5:3

O Kebu, ni asoacngoc kpacguba geng enacudumenna negengannec nga asoacngoc sesena mengerema gearu faima tomai kecbade.

Mitiyegec 106:8

ye yengena kparaac amma ebicfunac mesiyunuma kuhaac hania mekperagiyemmeec.

Mitiyegec 86:13

Geng yoac dedzege amma imoc modackecnec, ge imoc anenna hemba wiac engena ande. Kekecnango emu homecamau feu gennoc kekecna imohacnac mesina ereec.

Makekeng 15:6

Kebu, geac marifoigaac kuc imoc damuyagoc yombong. O, Kebu marifoigango faka kuhagoc mema ngabafocga kpedzameyununec.