Mitiyegec 57:1 - Deduamiti

¹ O Anutu, ge neac ubaga manganeu. Ubaonganagoc geac hoannu sufuduaeac amma ge neac ubamangang negenna. Ni geac kpeganggaac debannu sufuma kecbare kiafirang mangana kpac andacbeso.

Yoak kekehagocac Dzadzahac gboria nga Mitiyegec

¹ O Anutu, ge neac ubaga manganeu. Ubaonganagoc geac hoannu sufuduaeac amma ge neac ubamangang negenna. Ni geac kpeganggaac debannu sufuma kecbare kiafirang mangana kpac andacbeso.

Mitiyegec 57:1 ပူးပေါင်းရင်းမြစ်များ

Mitiyegec 125:1

Ngicngac Kebu negenserima kecdimbe, nenang Tsiontiki isoc. Wiac mongngo meu goroc goroc mi amma nasoya nasoya nangkefude.

Mitiyegec 13:5

Geng yoac dedzege amma imoc modackecnecac negenseriguma kecduae. Geng ebicfunac mesinunecac amma ni heregoc geac desogai angkecduae.

Mitiyegec 142:1

Ni ubana miacma Kebu kpacba yeng neac ubea manganeudeac ubana miacma numubade.

Mitiyegec 2:12

Medac ye herebu bic angkecde. Yeng ngaba angemmeu ngeni sinnu manganema kpac ambauac haniau ngonducnema titikokoc ammibisia. Ngicngac yeac hoannu sufuma kecdae, yeni kenecnginagoc.

Mitiyegec 36:7

O Anutu, geng yoac dedzege amma imoc modackecnec, fakaga imoc wiac engena yombong. Neni, ngicngac yeneac nambaracfocnginango, geac hoannu hadacma kpegangga marabeau sufuma kecnide.

Mitiyegec 56:1

O Anutu, ngicngac yeneng ni mematiti anendae nga ngabafocna yeneng asoacnac kemma marai ebicfu fainugec ubaebicgoc kecduae. Ge imocac neac ubaga manganeu.

Mitiyegec 58:1

Nemu hania hania, ngeni yoara kpac kecma desi desi ua dindingac mi megecde. Ngeni yoacfu ngicngac yeneac yoac isingising ikohau meandae.

Mitiyegec 59:1

O Anutuna, ge ngabafocna yeneac mariunac mesinuna. Ngic nubesonga andae, geng yenearunac onggonnuna.

Mitiyegec 61:4

Ge kporucamagau fainuna ni nasoya nasoya ihai kecbade nga kecbesandua. Ni geac kpegangga bageu sufuma kecbadeac anende. Selac

Mitiyegec 63:7

Gennoc neac memeficngic, imocac geac kpegangga bageu sogaima kecma yegec heigembade.

Mitiyegec 75:1

Anutu, geac kpac kuneng wegenac fedecac amma ge ohec megendimbe. Ngicngac yeni kucfakagaac negenggec wiac engena angkecdeac imocac yoacsiduc deandae.

Mitiyegec 9:10

O Kebu, ngicngac yeneng geac kpac kuneng negengandae, yeni negenserigugecde. Ngicngac yeneng ge hofocgugec geng yeni mi ngadeyunuma wayununade.

Mitiyegec 91:1

Anutu Engenatoango ngic mong garenggema mesufuu yeng Kuctoa minginaac debannu kecnegeng kecande,

Mitiyegec 91:4

Ye kpegang dzoeango kperacguu geng yeac kpeganga bageau sufuma kecnade. Ye yoac modac modac Kebu nga fakaya imocngo geac kasoga amma odaga seria ande.

Mitiyegec 91:9

Geng yofi denec, “Ni Kebuac hoannu sufuma kecduae nga Kebu Engenatoa ye kecnegeng amana.”

Mataio 24:22

Nga uameme imoc mi mewegenegecde isoc ngic mongngo komoc naric mi kpeude. Amma ngicngac isingyunuyunuya, ngeneac amma naso mewegenebesandae.

Ruka 13:34

Yerusaleng Yerusaleng, ge profete yunuhomeannec nga ngic gearu sueyunuyunuya, yeni hocngo yenereannec. Nga Kokorec nonggeango nambaracfora kpeganga bageau foforacyunuande, ni ifi isoc naso homac nambaracfocga kpedzucngunubadeac negembare ngeneng ine imocac songo mi negenggec.

Yohane 16:20

Foracngoc, ngeni kiac songgong ammagec bangectoa bangec yomocac ngicngac yeneng sogaigecde, imoc edengunuduae. Nga ngeni ubahodung anggec ubahodungngina imocngo merennu ngeni ubangerec monggoc meficgegecde.

Yohaneac kpefing 21:4

Amma yeng kickumangina sasawa kicnginaunac mekerenggeude. Nga homec nga ubahodunggac kiacsonggong amma asira monggoc mi feude. Wiac warac feec, imoc bic kpac anec.”

Yohaneac kpefing 7:14

Kpesinenu merenai, “Kunenna, ge geanggaoc negennec.” ifi deba yeng yofi edenuec, “Ngic yomoc yeni kpendzengtoaunac hama ngakpingina ramamedahaac sawango dzuacgec kongac kongac ande.

Ruti 2:12

Wiac sasawa andacnec imocac turunga Kebungo ubangerec kpegembeso. Ge Kebunina Isracelac Anutu yeac kpegang bageau sufunadeac hanec, imocac yeng turunga sasawa kpougembeso.”