Mitiyegec 56:8 - Deduamiti

⁸ Yeni nukporac anenggec wenac dafiguc ama heidac kefai imocac kpetea osoma medacnec. Amma kickumana bic osoma kibigau ohonec fede, imocac kpetea negensibesena.

Yoak kekehagocac Dzadzahac gboria nga Mitiyegec

⁸ Yeni nukporac anenggec wenac dafiguc ama heidac kefai imocac kpetea osoma medacnec. Amma kickumana bic osoma kibigau ohonec fede, imocac kpetea negensibesena.

Mitiyegec 56:8 ပူးပေါင်းရင်းမြစ်များ

Mitiyegec 121:8

Ge amaunac manade me amau ennade dena Kebungo yofinenggac nga nasoya nasoya onggonggukefude nga onggonggukecbesande.

Mitiyegec 139:16

Sebinango mi torokpemanungoc kicgango sebinaac hanac hanahea hennec nga uamemena mong mi hamanungoc imoc sasawa tembuc tembuc geac kibiu oho ohoya fede.

Mitiyegec 39:12

“O Kebu, ge nunumuna negenna memeficac kiacba ge kedzac faima negenna. Ni kickumana madeac ihoc bahoc mi anna. Ni kuricngic amma hama naso wegenanecsac kecbade. Ni esangabofocna isoc kuricngicsac anduae.”

Malecaki 3:16

Nga ngicngac Kebu seseheandae yeni yenaocngoc denegeng anggec. Anu Kebu ye imoc kedzac kpema negengyemmeec. Amma Kebu sesehema kparaac eweheihei angandae, yeneac negensima yeac kicfu kpacarengngina kibiu ohogec fede.

Mataio 10:30

Nga ngeneac orucdzonginaac kpete, imoc ifingoc osoosodara.

2 Korinti 11:26

Ni naso homac bangeha bangeha yerecgekecma dokutoau manganebeso anai. Nga godzungic yeneng sinnu memanganenubeso anggec amma neanna arengfocna yeneng memanganenubeso anggec nga bangeha bangeha ngic Anutu mi negemmidae, yeneng memanganenubeso anggec. Nga taong goau ngic yeneng memanganenubeso anggec. Anu bangeckisiu nga kondunnu kecma ebic meficgeai. Amma ngic goa ikoc amma yofi degec, “Neni ifingoc negen negensinggoc kecdimbe.” yeneng tosonina dema memanganenubeso anggec.

Hebiraio 11:13

Yenennoc Anutuac yoac negensinggema homegec. Nga Anutungo bangec yomohai bangecngina deec, imoc mong mi meficgeyemmeec. Yeni ine wiac hereaungoc feu kpedzima hemma yofi deficgegec, “Neni bangecfu kuric amma naso wegenanecsac yei kecdimbe.” (Fing 23:4; 1Ngts 29:15)

Hebiraio 11:38

Kecma yeni bangeckisiu nga bangec sifehau amma kedzebeu me bangec singau yerecgema kecgec. Yeneng gombungngina mehama ngicngac amabangecngina botucfu kecgecdeac sing mong mi feec. Ngicngac kopocsicnginango sing imoc hedzickeec.

Hebiraio 11:8

Anutungo Abrahang kparu yeng yoara negensinggema imoc modacma bangeha wama bangec dahai kenudeac obohoec. Nga bangec Anutungo miudeac deec, ihai tacyac amma kefec.

Yohaneac kpefing 20:12

Nga ngicngac kuneng kapia bic homegec yenenai. Yenemba yeni Anutuac kicfu nammagec kibi homac mesima kibi mong kpara Kekecac kibi mesigec, kibi imohai homegec yeneac angammemengina oho ohoya fede. Nga yeni imoc hemma yoacngina desigec.

Yohaneac kpefing 7:17

Imoc yofiac, ramamedaha ngictau tatacac dzongiau nande, yeng ramagarengngina amma kekecac dokukiwau hesicyunuude. Nga Anutungo kickumangina sasawa kicnginaunac mekerenggeude.”