Mitiyegec 53:1 - Deduamiti

¹ Ngicngac negen ngentegecngina kpac, yeni herenginau yofi negemma deandae, “Anutu mong mi kecde, kpac yombong.” Yeni fakangina manganeu faka mangana yombong hania hania angkecma yenearunac mongngo faka gombunga mi anude.

Yoak kekehagocac Dzadzahac gboria nga Mitiyegec

¹ Ngicngac negen ngentegecngina kpac, yeni herenginau yofi negemma deandae, “Anutu mong mi kecde, kpac yombong.” Yeni fakangina manganeu faka mangana yombong hania hania angkecma yenearunac mongngo faka gombunga mi anude.

Mitiyegec 53:1 ပူးပေါင်းရင်းမြစ်များ

Mitiyegec 10:11

Ngic mangana ye ubeau yofi negensiude, “Anutu ye neac nigeckpeu kiwa semema naric mi nenude.”

Mitiyegec 10:13

Ngic Anutu ngadehema mangana meudeac ammiande, ye nocac Anutu ngadehema yengenaac negemma yofi deude, “Ye kopocsicnaac turunga mi kpounenude.”

Mitiyegec 10:4

Ngic Anutu ngadehema mangana meudeac ammiande, ye sebia meemma deude, “Anutu ye wiac imocac mi kpesinenude.” Amma yofi negensima kecde, “Anutu mong mi kecde, kpac.”

Mitiyegec 10:6

Ye yengenaac yofi negenude, wiac mongngo menuu goroc goroc naric mi ambade. Ni nga esangabofocna kecma ebic mong naric mi meficgenide.

Mitiyegec 88:1

O Kebu, Anutuna, ge neac ebicac mesi mesingic. Ni hadzing tofocnac geac arohoma kiackecba

Mitiyegec 92:6

Ngic kapayango imoc naric mi negenude nga ngic negen negenga kpac, ye wiac yomoc naric mi negentegerude.

Mataio 5:22

Neng ine yofi edengunuba, ngic mong ye ogeaac herebu angande, ye yoacfu nambeso. Nga mong ye ogeaac yofi deude, ‘Ge ngic irec ireckea kpac.’ Ye yudangic yeneac tutumangtoanginau faibesonga. Nga mong ye ogeaac yofi deude, ‘Ge negen negengga kpac.’ ye hofeac gerecfu ukugec kemeude.

Ruka 12:20

Ifi deu Anutungo yeac yofi deec, ‘Kapangic, tofocnac yomohaingoc kekecga wangecgugecde. Nga wiacga mekpedzuc amma wanade, imoc goa yeneng megecde.’ ”

Roma 1:21

Yeni Anutu negemmidae, amma eweheihei ine mi ammigecde. Nga ye Anutu, imoc negendaenoc nga yeni ine ye mi dengeregecde. Yeni ine negen negengngina ikoha, imocngo faka meu kicpisic nga ubafong anggec kundungngo ubanegen negengngina semeu sing segegecde.

Roma 1:28

Ngicngac yeni Anutu negemmibesonga negenggec wiac mamea anu faka imoc ngadehema wagec. Imocac amma Anutungo ifingoc kpae mi heima wayunuec. Wayunuu yeni faka kpedahango fenggeyunuu faka ngicngo mi angana, yeni imoc modacma angemekecgec.

Efeso 5:12

Nocac yeneng fakangina sufu sufu angkecdae, imoc sasawa naric mi debade. Imoc deba gameagoc anude.

1 Petoro 4:3

Bangec monnunac ngicngac Anutu mi negemmidae, yeneac kekecac negensongoac faka yofi fede, imoc kaiserofaka nga kickerec angkecdae amma doku seria tosofocnginagoc nema ubangina sufuande nga sing sege segea modacma imocac siricfu nemu hania hania afeheyunugecde. Ngeni warac faka ifia angkecgec imoc monggoc mi ambisia.