Mitiyegec 51:4 - Deduamiti

⁴ Gearusac kopocsic meficgema kicgau faka mangana yombong anai. Ifi anu geng yoac denec imoc fora fingectegerude nga ge ngic hania isinggema yoacngina desinec, imoc dindingac.

Yoak kekehagocac Dzadzahac gboria nga Mitiyegec

⁴ Gearusac kopocsic meficgema kicgau faka mangana yombong anai. Ifi anu geng yoac denec imoc fora fingectegerude ge ngic hania isinggema yoacngina desinec, imoc dindingac.

Mitiyegec 51:4 ပူးပေါင်းရင်းမြစ်များ

Fingec fingec 20:6

Ifi deu Anutungo gaungoc yoara turunga yofi meremmiec, “Ge angammemega sufu sufuya mong mi andang imoc negenduae nga neng ye kpeserebanggac kpae heigemma onggongguba nearu kopocsic mi meficgedang.

Fingec fingec 38:7

Nga waracmedac ye Kebuac kicfu ngic mangana yombong anu Kebungo kekeha meickeu homeec.

Fingec fingec 39:9

Anu ama yomohai yengena isoc amma kecbadeac fainuec. Ye wiac sasawa desinendarec nga ge ine yeac enema imocac mi desiec. Ni ifi amma Anutu woseau naric mi mebade. Ni faka mangana imoc naric mi ambade.”

Fingec fingec 9:6

Anutungo ngicngac yengena siric isoc meyunuec. Imocac mong ye bangecngic monggac sac kpakeudeu bangecngic yeneng yeac sac kpakegecde.

Mitiyegec 50:4

Ye ngicngacfora yoacngina isinggema forangina deudeac kurumenga kurumenga wi fekendae amma bangec momoc kpacyunuude.

Mitiyegec 50:6

Anutungo yoacngina isinggema deudeac amma kurumenga kurumenga yeni yoac yofi dekperagikecdae, “Anutu ye dindingac.” Selac

Ruka 15:21

medacngo deec, ‘Manggac, ni kurumeng arenggac nga geac kicfu momoc kopocsic meficgeai, imocac medacga monggoc kpacnugecde, imoc mi ngereeude.’

Ruka 7:29

Ngicngac sasawa nga takesimemengic momoc, yeni imoc negemma yofi negenggec, Anutu ye yoac fora nga dindingacac mingina, ifi dema Yohanearu kemma mitidoku nadzicgec.

Aposoro 17:31

Yeng bicngoc naso mong deec, imoc fede. Naso imohai bangeha bangeha ngicngac hanianina desima turunga dindingac merennemmeude. Amma ngic mong ye ua imocnoc meudeac demiec, ye ngic imoc edzacnunuudeac homecfunac megboriu yarec.”

Roma 2:5

Nga here dzege dzegegoc kecma ubaga mi meremma kopocsic mekpedzuc angkecma turunga menade. Nga Anutuac turung kpoukpouac nasotoa hau turunga dindingac fingectegecgembesande.

Roma 3:4

Imoc kpac yombong. Yoac yofi oho ohoya fede, “Geng yoac denec, imoc fora fingectegerude nga ge ngic hania isinggema yoacngina desinec, imoc dindingac.” (Myeg 51:4 Septuaginata mitikibiunac) Yoac yofi deni seria febeso, “Anutu ye fora nga ngicngac sasawa nenang ine ikocninagoc.”

Yakobo 2:11

Anutungo yofi deec, “Ge kaisero mi ambesena.” amma monggoc yofi, “Ge ngicngac mi yunuhomebesena.” (Mke 20:13-14; Dser 5:17-18) Nga kaisero mi amma ngicngac yunuhomenadeu dedeseriyoac kpekpengic bic annec.

Yakobo 2:9

Nga ngeni ngic engena mamea sebinginaac siricfu ayemmeandaeu kopocsic meficgegecde. Nga dedeseriyoacngo manganangina dekperagima singyoac kpekpe, ifi dengemmeude.

Yohaneac kpefing 16:5

Nga negemba dokuac angerongo deec, “Kebu kpetiac mingnina, ge bicngoc kecma yaguc kecnec. Geac fakaga imoc dindingac, ifi anu wiac yomoc sasawa yoacfu faiyununec.

Yohaneac kpefing 19:11

Imocac witiau kurumeng anggeu henai. Hemba ngic mong becosic mong kongac kongac, imocac witiau tarec. Nga tarec, yeac kpac yofi, Yoacdedea modackecde nga Yoac fora modackecde. Amma ye ngicngac yoacfu faiyunuude nga dzikacfu kecma faka dindingac modarude.