Mitiyegec 51:11 - Deduamiti

¹¹ Geac hoannunac mi ukununa amma kpetiac Asuga nearunac mi meickena.

Yoak kekehagocac Dzadzahac gboria nga Mitiyegec

¹¹ Geac hoannunac mi ukununa amma kpetiac Asuga nearunac mi meickena.

Mitiyegec 51:11 ပူးပေါင်းရင်းမြစ်များ

Fingec fingec 4:14

Ge yaguc heikpenec bangecfunac kporacnuna kicgaunac sufuma kecbade. Amma bangecfu ngicngac yeneng kisannugec ni kuricngic amma bangec yerecgema kecbade. Kecba ngicngac sasawa yenearunac mongngo meficnuudeu kpebucnuude.”

Fingec fingec 6:3

Ifi anggec Kebungo yofi deec, “Ngicngac yeni sebifusingina bangectehecngo memea imocac amma neac asu yenearu fefeseri mi febeso. Yeni bangecfu kekecnginaac kifanaso 120sac ambeso.”

Mitiyegec 43:2

Anutu, ni geac hoannu hama sufuma kecba ge nocac ngadenuma wanunec. Ngabafocna yeni ebicfu fainugec ubaebicgoc kecduae, imoc fingecnendeac titiha mi negentegecduae.

Mitiyegec 71:18

O Anutu, ni kpengeng yegbonnagoc ambade, ge imohai ifingoc mi ngadenuna amma mi wanuna. Ge nigoc kecmana fingecsahe hakecgecdesoc, yenearu ifingoc geac kucfaka engena dekperagiyemmebade.

Mitiyegec 71:9

Ni ngickpengeng ambade, naso imohai ge mi ukunubesena nga kucna kpac anu ge ngadenuma mi wanubesena.

Ruka 11:13

Ngic ngeni mangana angandaengo sifu nambaracfocngina ubangerecac wiac gombunga yemmegecdeac negentegecdae. Imocac yofi negenggec, kurumeng Mangnginango fakangina gombunga imoc homac feraheu ngicngac Tiri Asuya yemmeudeac kpesimidae, yeni Tiri Asuya naric yemmeude.”

Yohane 14:26

Nga Manggacngo memeficngina Tiri Asu neac kpacfu sueu mama yeng wiac sasawa kpoungemmema yoac edengunuai, imoc heigboringemmeude.

Roma 1:4

kpetiac minginaac Asungo kucgoc yombong yeac yofi dekperagiec, yennoc homecfunac gborima yarec, imocngo yofi edzacnunude, ye Anutuac Medacyombonga. Imoc Kebunina Yesu Kristoac siduc gombung.

Roma 8:9

Anu Anutuac Asungo ngeneac ubahereu kecdeu ngeni Asuac arennu kecgecde, uba eseaac arennu kpac. Nga mong ye Kristoac Asu mi mekecde, ye ine Kristoac areng kpac.

Efeso 4:30

Ngeni Anutuac Tiri Asu ubaebic mi mibisia. Anutungo ebicfunac yungecngunuudeac naso faiec, imohai nanggecdeac dzadzahacac dzic Tiri Asu faingemmeec.

2 Tesaronike 1:9

Turunga kpoukpou ua imocngo wisic wisickea kpac memanganeyunukefu yeni Kebuac kicfunac nga kuc nga kibikperagiaunac meicyunugecde.