Mitiyegec 50:23 - Deduamiti

²³ Nga ngic mong ye neac ewena heima ubangerecac sese heinemma sing dindingac modackecde, ye ebicfunac mesiba yeng Anutuac faka henude.”

Yoak kekehagocac Dzadzahac gboria nga Mitiyegec

²³ Nga ngic mong ye neac ewena heima ubangerecac sese heinemma sing dindingac modackecde, ye ebicfunac mesiba yeng Anutuac faka henude.”

Mitiyegec 50:23 ပူးပေါင်းရင်းမြစ်များ

Mitiyegec 120:1

Ni ebicgoc kecma Kebu kpacba yeng kiacna negemma turunga merennembeso.

Mitiyegec 22:23

Ngicngac Kebu ewea heiandae, ngeni ye eriendzong memibisia. Nga Yacakowac gboricfora sasawa, ngeni ye afehebisia. Nga Isracelac gboricfora sasawa, ngeni hemma yeac negenggec engena andeac kicngina yearu fima afehema nambisia.

Mitiyegec 25:14

Nga ngic Kebuac ewea heikecdae, yeneng yeac ogofora anggecde. Ye yengena dzadzahac dekperagiyemmeu yeni imoc negentegecgecde.

Mitiyegec 27:6

Ye orucna miaru ngabafocna oronnudae, yeni feracyunuma wi namma yenembade. Ni sogaima ubangerec negemma Anutu womongau sese faimima sogac sogaiac yegec heima Kebu yaiyo kpemibade.

Mitiyegec 34:5

Ngicngac neni kicnina yearu fini sogac sogaiac kperagingo kicmesunina mekperagiu kperagigoc annide nga kicmesunina gameagoc amma sacsac naric mi kpeude.

Mitiyegec 85:13

Dindingac kekecngo waraimima yeac haniaac sing mengeremiude.

Mitiyegec 85:9

Foracngoc, yeac kuc kibikperagiagoc bangecninau fekefudeac amma yeng ngicngac yeac eweheiandae, yeni yenemma ebicfunac mesiyunuude.

Mitiyegec 86:12

O Kebu Anutuna, ni heregoc ge ubangerec megemma geac kpac kuneng nasoya nasoya heiwayong memibade nga memibesandua.

Mitiyegec 86:9

O Kebu, ge bangeha bangeha ngicngacareng meficyununec, yeneng gearu hadacma kicgau fafoc heigemma hama geac kpac kuneng heiwayong memigecde.

Mitiyegec 91:16

Ni kekeha mehereeba kecma gebeckpeu memengerecna edzahabade.”

Yohane 7:17

Ni yoac kpoungemmeduae, imoc Anutuarunac me neanna ubanaac deduae, imoc ngic mongngo Anutuac enac tofohobeso negende, yeng negentegerude.

Aposoro 11:14

Yeng yoac edeguu ge nga arengfocga ngeni yoac imoc negemma hoanggema komoc kpegecde.” ’

Aposoro 13:26

Tosofocna, Abrahanggac bangecfora nga habu goa Anutu eweheimiandae, ngeni yoacna deba negenggec, kopocsicac ebicfunac mesi mesiac sing fede nga komoc kpeni, yoac imoc Anutungo nenannu faiec fede.

Roma 12:1

Ifi anu negen negensinggoc tosofocna, Anutungo wosoefac kuneng angemmeecac dederecge angemmema yofi deduae. Ngeni Anutuac kicfu asuu ua fora mema sebingina desigec imocngo Anutuac sese kekehagoc nga kpetiac anu yeng negenu ngereebeso.

Roma 15:6

Ifi amma ngeni ngenahafoc enacurecfu Kebunina Yesu Kristoac Anutu nga Manggac dengeregecde.

Roma 15:9

Ifi anu bangec monnunac ngicngac, yeneng ifingoc Anutu wosoefahaac amma dengeregec. Imocac yofi oho ohoya fede, “Imocac ni bangeha bangeha ngicngacareng tosea, yeneac botucfu dengereguma yegecfu kpacga afehebade.” (2Sm 22:50; Myeg 18:49)

Garata 1:24

Yeni ifi dema neac amma Anutu dengeregec.

Garata 6:16

Nga ngicngac singyoac imoc kekecnginau modackecdae, yenearu ruae nga wosoefacngo witinginau febeso amma Anutuac Isracel yenearu ifingoc.

Firipi 1:27

Ni hama ngenembade me hereau kecma ngeneac yoacsiduc yofi negembeso anduae, ngeni ongaasu mocgu nga ubahere mocgu kecma ngabafocngina yeneac mong mi kengecngunumanu serima namma yeni siduc gombung negensinggegecdeac ewema kpendzenggoc uatoa mekecdae. Imoc fingerudeac ngeni Kristoac siduc gombung imocac sirihau kecbisia. Faka imocngo ngabafocngina yofi edzacyunuude: Yeni manganema kpac anggecde nga ngeni ine komoc kpegecde.

Yakobo 3:13

Ngenearunac ngic mongngo negen negentegec nga negen negenga irec ireckea mekecdeu, ye yumea kecma negen negentegecgoc fakaya gombunga edzacngunubeso.

1 Petoro 1:15

Anutungo kpacngunuec, ye kpetiac nga ngeni ifi isoc faka nga angammemengina hafoangoc kpetiac ambeso.

1 Petoro 2:9

Anu ngeni Anutuac faka kuhagoc dekperagigecdeac Anutungo ngeneac areng meisingngunuec. Meisingngunuma ngeni yengena areng ngicngac kpetiac anggecdeac mengunuma ngictauac arennu faingunuu womonggarengua mekecgecde. (Mke 19:5-6; Yes 43:20) Yennoc kundunnunac hagecdeac kpacngunuma kperagiau heitaingunuma yengena kperagi engena nga songea, imohai faingunuec.