Mitiyegec 50:1 - Deduamiti

¹ Anutu Kuctoa mingina, Kebu yeng yoac dema bangec kparu wenac ere ereaunac kengkecma wenac keme kemeau wisickeude.

Yoak kekehagocac Dzadzahac gboria nga Mitiyegec

¹ Anutu Kuctoa mingina, kebu yeng yoac dema bangec kparu wenac ere ereaunac kengkecma wenac keme kemeau wisickeude.

Mitiyegec 50:1 ပူးပေါင်းရင်းမြစ်များ

Fingec fingec 17:1

Anu Awram ye kifaya 99 ammanu Kebungo fingecmima yofi dema edeec, “Ni Anutu Kuctoa Mingina, ge neac kicfu kecengkecma hafoangoc ngic dindingac kecbesena.

Nehemia 9:32

Anutunina ge Anutu engenatoa amma kuctoagagoc nga damudamugagoc amma ge dzadzahac mema songoga edzacnunuannec. Imocac ge ngictaufocnina, enarafocnina, womonggarengfocnina, profetefocnina nga esangabofocnina amma ngicngacfocga sasawa Asiriaac ngictau yeneac nasounac erekecma yaguc ebic sasawa fingecnemmede, imoc hemma meficnununa.

Nehemia 9:6

Ge mocgungo KEBU, geng kurumeng nga sawau asomeng amma angero habufocnginagoc meficyununec. Amma bangec nga bangec witiau wiac fekende nga kondung amma kondung manau wiac sasawa fedacde imoc meficyunudacnec, ge mocgungo wiac sasawa kekec yemmeannec. Anu kurumennu angero habuya habuya yeneng dengeregu kecdae.

Mitiyegec 113:3

Wenac ere ereaunac kengkecma wenac keme kemeau wisickede, imohai Kebuac kpac kuneng heiwayong memigec.

Mitiyegec 73:1

Foracngoc, Anutungo Isracel areng faka gombunga ayemmeude. Ngicngac uba kongaha amma ikoc nga hamangecngina kpac kecandae, yeni faka gombunga ayemmeude.

Mitiyegec 74:1

O Anutu, ge nocac wanunuma ukununudacnec? Rama habufocga geac bangecfu kecdimbe, ge nocac herebugango nunuma hosuc isoc kporacnununec?

Mitiyegec 75:1

Anutu, geac kpac kuneng wegenac fedecac amma ge ohec megendimbe. Ngicngac yeni kucfakagaac negenggec wiac engena angkecdeac imocac yoacsiduc deandae.

Mitiyegec 76:1

Yehuda bangecfu Anutu negengkecdae nga Isracel bangecfu yeac kpac kuneng heiwayong memigecde.

Mitiyegec 77:1

Ni Anutuaru kunengngoc kpacduae, Anutungo negennudeac seriangoc kpacba.

Mitiyegec 78:1

Ngicngacfocna, ngeni neac kpoukpouac kedzac faigec enacnaunac yoac mau kedzac faima negembisia.

Mitiyegec 79:1

O Anutu, bangec monnunac ngicngac mi negenggudae, yeneng meisingbangecgau eredau. Yeni eweheihei faka mi amma womongga kpetiacfu eregec imoc gotengagoc anu Yerusalaim ama kpedzamedacgec amabangec sesuhasac ande.

Mitiyegec 80:1

O Isracelac rama gareng, ge kedzac faima yoacnina negenna. Geng Yosefac areng rama habu isoc wangecyununade. Keruw yeneng miacguma ngictautatacga anggec geng yeneac witiu tacannec, gennoc hama kperagigango nerarannunubesena.

Mitiyegec 81:1

Anutu ye kucnina. Ngeni dendzerenggema yegec heimima Yacakowac Anutu sogac sogaigoc arohoma oheha memibisia.

Mitiyegec 82:1

Anutungo anutu hania hania yeneac adzoc adzorotoau enara amma tatahau anutu hania hania botucnginau tacma isingyunuma yoacngina desima

Mitiyegec 83:1

O Anutu, ge mi waickena amma kedzacga mi kpefonggena, o Anutu, ge eng mi tacna.

Amosi 3:8

Anu laiongngo kunengngoc arohomanu merang kengeha kpac nanude? Nga Kebu Kpembibiagocngo ngic mong yoac edemanu ye profeteyoac imoc naric mi dekperagiude, me?

Malecaki 1:11

Ni kurumenggac wasaiareng habuya habuya yeneac Kebungo yoac yofi deduae, ‘Bangec sasawa wenac ere ereaunac kengkecma wenac keme kemeau kpac kunennango sokodacbesande nga amea amea yeneng hosuc homung gombung heinemma kpetiac sesena faigec kpac kunennango yadima kendacbeso.

Mataio 25:32

Amma ye bangeha bangehaac ngicngac sasawa deu hama yeac kicfu kpedzucnedacgecde. Kpedzucnegec garengngo rama nga noning medereyunuande, yeng naso imohai ifi isocngoc medereyunuma