Mitiyegec 5:8 - Deduamiti

⁸ O Kebu, ni ngabafocna kecdaeac geangga faka dindingacfu hesicnuma singga mesorongainenna tima kembade.

Yoak kekehagocac Dzadzahac gboria nga Mitiyegec

⁸ O kebu, ni ngabafocna kecdaeac geangga faka dindingacfu hesicnuma singga mesorongainenna tima kembade.

Mitiyegec 5:8 ပူးပေါင်းရင်းမြစ်များ

Mitiyegec 119:10

Ni heregoc hofocguduae. Geac nonoyoac kpebaiac garennuma kpae heinenna.

Mitiyegec 119:64

O Kebu, geng yoac dedzege amma imoc modacnade, fakaga imocngo bangec sokoma fede. Ge singyoacga kpounenna.

Mitiyegec 138:2

Ni womongga kpetiacfubigeng ngonducnebade. Geng yoac dedzege amma imoc modacnade amma ge yoac modac modac Kebu, imocac kpac kunenggaac ubangerec dekecbade. Ge kpac kunenggagoc nga geng yoacga deserima denec, ge wiac imoc miacna enu imocngo wiac sasawa feraheude.

Mitiyegec 27:11

O Kebu, ngabafocna memanubeso ayemmedeac singga kpounemma sing sorongau hesicnuma kenna.

Mitiyegec 31:1

O Kebu, ni gearu hama sufubeso anduae. Ngicngac yeneng game kpekpeu fainubauac kpae heiyemmedacna. Ge dindingac, imocac ebicfunac mesinuna.

Mitiyegec 54:5

Ngic neac ngabayoac degec yeng ngadeyoacngina merenu yeni imocac ebic meficgegecde. Kebu, ge yoac modac modac Anutu, imocac memanganeyununa kpac ambisia.

Mitiyegec 59:10

Anutuna yeng yoac dedzege amma imoc modarude. Ye warainemma kemma sinnu meficnuude. Anutunango sing meficgeu ni firang amma ngabafocna memayunuma yenembade.

Mitiyegec 86:11

O Kebu, ni yoacga fora modackecbadeac singga kpounenna. Ge herenau ubayohoc meickena geac kpac kuneng eweheiheigoc hoanggebesare.

Yona 2:5

Dokungo witinau semenuma kekecna mebeso andac. Wiac keme kemeango neac witinau hama semenuu kondunggac kpindzingngo orucnau mendanggedac.

Mataio 3:3

Nga profete Yesaiango Yohaneac yofi ohoec, “Bangec kisiu kpakpac mong yofi fingecde, ‘Ngeni Kebuac sing wisima singa heitumeigec.’ ” (Yes 40:3)

Hebiraio 12:13

Amma ngicngac hanimangang haningina mepatickebauac ngeni singngina heitumebisia. Ngeni ifi anggec haningina ngereebeso.