Mitiyegec 5:3 - Deduamiti

³ O Kebu, ni asoacngoc kpacguba geng enacudumenna negengannec nga asoacngoc sesena mengerema gearu faima tomai kecbade.

Yoak kekehagocac Dzadzahac gboria nga Mitiyegec

³ O kebu, ni asoacngoc kpacguba enacudumenna negengannec nga asoacngoc sesena mengerema gearu faima tomai kecbade.

Mitiyegec 5:3 ပူးပေါင်းရင်းမြစ်များ

Mitiyegec 119:147

Negen negenna geac yoacfu faima tomai kecba ama mi wereckemmanu geng meficnunadeac yacma kpacgubade.

Mitiyegec 130:2

Kebu, ge enacudumenna negemma kedzac kpena. Kpesi kpesina gearu hade.

Mitiyegec 130:6

Tofocnacgareng yeneng asoac haudeac tomai kecandae, ni yeni feracyunuma ubaonganango Kebuac tomai kecduae. Ni yeac tomai kecduae amma monggoc ferahama tomai kecduae.

Mitiyegec 145:1

Anutu ngictauna, ni afeguma geac kpac kuneng nasoya nasoya kenehekecbade.

Mitiyegec 22:2

O Anutuna, ni hadzing tofocnac kiacba turunga mi merennennec, ni waickema mong mi kecbade.

Mitiyegec 44:5

Ngabafocnina yeneng wegenac hagec neni geac kucfu igocyununi worama kenggec geac kpacfu ngabafocnina tidzicyunuma memayununide.

Mitiyegec 55:17

Ebicngo memanuu asoringa anenu ni asoac nga marai amma tofocnac imocac kiacma ebicyoacna edeba yeng ubaudumenna negenude.

Mitiyegec 69:16

O Kebu, geng yoac dedzege amma imoc modackecnec, imoc gombunga yombong nga ge wosoefacga efea kpac, imocac kicmesuga nearu monggoc merenna.

Mitiyegec 74:12

O Anutu ngictauna, gennoc waracngoc kecma kecnecngoc amma ge bangecfu yagucngoc memengerec ua mekecnec.

Mitiyegec 84:4

Ngicngac geac amau kecdae, yeni kenecnginagoc amma yeni nasoya nasoya dengereguma yegec heigengkecdae. Selac

Mitiyegec 88:13

O Kebu, ni sifu asoac anu memeficac kiacgemma arohoma gearu nunumuna faiba haude.

Mareko 1:35

Anu ama mi wereckemmanu Yesungo kundunnungoc yacma ama wama bangec botuc mong ngiha kpacfu kemma numuec.