Mitiyegec 49:1 - Deduamiti

¹ Ngiha ngiha ngeni yoac yomoc negembisia nga ngicngac bangectoa bangecfu kecdae, ngeni kedzac kpema yoac yomoc negembisia.

Yoak kekehagocac Dzadzahac gboria nga Mitiyegec

¹ Ngiha ngiha ngeni yoac yomoc negembisia nga ngicngac bangectoa bangecfu kecdae, ngeni kedzac kpema yoac yomoc negembisia.

Mitiyegec 49:1 ပူးပေါင်းရင်းမြစ်များ

Mitiyegec 33:8

Bangectoa bangecngo Kebu ewea heimibeso nga bangectoa bangecac ngicngac, ngeni sasawango hemma yeac negenggec engena ambeso.

Mitiyegec 34:11

O nambarac, ngeni yei hama yoacna negembisia. Ni Kebuac eweheiheigoc kekec kpoungemmebade.

Mitiyegec 42:1

Kate burumakabisicngo dokuac ammiu doku hofocande, ubaonganango ifi isoc Anutu ge hofocgude.

Mitiyegec 46:1

Anutu ye sufu sufuamanina nga kucnina. Ye ebicnasou nenigoc nasosoc kecma meficnunuude.

Mitiyegec 48:1

Kebu ye engena, ye oyang boyang memibesonga. Yeac tiki kpetiacfu, Anutuninaac amatoau, ye dengerebesonga.

Mitiyegec 50:1

Anutu Kuctoa mingina, Kebu yeng yoac dema bangec kparu wenac ere ereaunac kengkecma wenac keme kemeau wisickeude.

Mitiyegec 78:1

Ngicngacfocna, ngeni neac kpoukpouac kedzac faigec enacnaunac yoac mau kedzac faima negembisia.

Mika 1:2

Ngiha ngiha ngeni sasawango yoac yomoc negenggec, nga bangec amma damocngo bangecfu kecdae, ngeni kedzac kpegec. Kebu Kpembibiagocngo kpetiac womongngau tacma manganangina heficgema haniangina mekperagima yoacfu faingunubesande.

Malecaki 1:11

Ni kurumenggac wasaiareng habuya habuya yeneac Kebungo yoac yofi deduae, ‘Bangec sasawa wenac ere ereaunac kengkecma wenac keme kemeau kpac kunennango sokodacbesande nga amea amea yeneng hosuc homung gombung heinemma kpetiac sesena faigec kpac kunennango yadima kendacbeso.

Mataio 11:15

Kedzahagoc yeng yoac yomoc negembeso.

Mataio 13:9

Kedzahagoc yeng yoac yomoc negembeso.”

Roma 10:18

Anu Isracel yeni yoara kedzacnginango mi negenggec me? Ifi kpac, yeni bic negenggec. Yofi oho ohoya fede, “Ubaudumengngina imoc bangectoa bangecfu kengkecde. Yeni yoacnginango bangectoa bangec yomocac noboc noboc wisic wisickeau kendarude.” (Myeg 19:4)

Roma 3:29

Goa yeni yofi deandae, Anutu ye Yuda yeneac Anutusac. Nga imoc fora kpac, ye bangec monnunac ngicngac, yeneac Anutu momoc kecde, imoc fora.

Yohaneac kpefing 2:11

“Kedzahagoc yeng Asungo kpebung yoac edeyunude, imoc negembeso. Firang anude, ye homec kpetea yohockangngo naric mi memanganebesande.”

Yohaneac kpefing 2:17

“Kedzahagoc yeng Asungo kpebung yoac edeyunude, imoc negembeso. Ngic me ngac firang anude, ni ye mannayaka sufu sufuya, imohacnac mima hoc mong kongac kongac nga kpac gboria mong ihai oho ohoya fede, imoc mibade. Kpac imoc mongngo mi negemmanu ngic hoc nearunac mede, yengsac negembesande.”

Yohaneac kpefing 2:29

Kedzahagoc yeng Asungo kpebung yoac edeyunude, imoc negembeso.”

Yohaneac kpefing 2:7

“Kedzahagoc yeng Asungo kpebung yoac edeyunude, imoc negembeso. Nga firang anude, ye kekecac ic Anutuac eucererennu nande, imohacnac fora naric miba nebesande.”