Mitiyegec 48:10 - Deduamiti

¹⁰ O Anutu, geac kpac kuneng nga geac eriendzong imocngo bangec tegia fekendaemoc kpesereyunuu negendacgecde. Ge marifoigango firang angkecnecac mariga imocngo wakede.

Yoak kekehagocac Dzadzahac gboria nga Mitiyegec

¹⁰ O Anutu, geac kpac kuneng nga geac eriendzong imoc bangec tegia fekendaemoc kpesereyunuu negendacgecde. Ge marifoigango firang angkecnecac mariga imocngo wakede.

Mitiyegec 48:10 ပူးပေါင်းရင်းမြစ်များ

Mitiyegec 11:7

Kebu ye dindingac, imocac amma ye faka dindingacac songea negende. Nga ngicngac uba kongaha amma ikoc nga hamangecngina kpac kecdae, yeneng yeac kicmesuya henggecde.

Mitiyegec 113:3

Wenac ere ereaunac kengkecma wenac keme kemeau wisickede, imohai Kebuac kpac kuneng heiwayong memigec.

Mitiyegec 145:17

Kebungo fakaya dindingac modacma wiac sasawa meande, imoc ubangerecgoc anemmeude.

Mitiyegec 45:7

Ge dindingac kekecac anggenu ngicngac Anutu ngadehema mangana megecdeac ayemmeande, yeneac faka ubagango waannec. Imocac amma Anutu, geac Anutungonoc sogac sogai kerecdokuya mema ge nga tosofocga nadzicngemmema geac witigau ine ebirangoc kpakeec.

Mitiyegec 99:4

Ngictau ye kuctoayagoc. Ye faka dindingac fingerudeac ammide. Geng faka mongang mongangga kpac, imoc faina seria fede. Ge Yacakowac areng yeneac botucfu faka angammemengina isinggema yoacfu desima sing dindingac modacma yoacngina desinec.

Malecaki 1:11

Ni kurumenggac wasaiareng habuya habuya yeneac Kebungo yoac yofi deduae, ‘Bangec sasawa wenac ere ereaunac kengkecma wenac keme kemeau kpac kunennango sokodacbesande nga amea amea yeneng hosuc homung gombung heinemma kpetiac sesena faigec kpac kunennango yadima kendacbeso.

Malecaki 1:14

Ngic mongngo ramaburumakafora yenearunac ngiwa mocgu neac sese faiudeac deseriec imoc herandzima rama me burumaka sebia mangana mong faiudemoc ye sowehagoc. Nocac ni ngictau engenatoa nga bangeha bangeha ngicngac yeneng eweheinengkecdae, ni kurumenggac wasaiareng habuya habuya yeneac Kebungo yoac ifinoc deduae.’ ”

Yohaneac kpefing 19:11

Imocac witiau kurumeng anggeu henai. Hemba ngic mong becosic mong kongac kongac, imocac witiau tarec. Nga tarec, yeac kpac yofi, Yoacdedea modackecde nga Yoac fora modackecde. Amma ye ngicngac yoacfu faiyunuude nga dzikacfu kecma faka dindingac modarude.

Yohaneac kpefing 19:2

Imoc yofiac, ye ngicngac yoacngina isinggema fora nga dindingac desiude. Amma yeng singtoangac kuneng serofakayango bangec memanganeec, yeac faka isinggema wanacarengfora yeneac sacnginaac turunga yearunac meec.”