Mitiyegec 48:1 - Deduamiti

¹ Kebu ye engena, ye oyang boyang memibesonga. Yeac tiki kpetiacfu, Anutuninaac amatoau, ye dengerebesonga.

Yoak kekehagocac Dzadzahac gboria nga Mitiyegec

¹ kebu ye engena, ye oyang boyang memibesonga. Yeac tiki kpetiacfu, Anutuninaac amatoau, ye dengerebesonga.

Mitiyegec 48:1 ပူးပေါင်းရင်းမြစ်များ

Nehemia 9:5

Anu Lewiareng kpacngina; Yesuha, Kadmier, Bani, Hatsabanie, Tserebia, Hodia nga Tsebania amma Petahia yeneng degec: “Yacma Kebu Anutungina dengeregec. Ye nasoya kpac kechereema kecbesande amma kpara imoc kibikperagiagoc nga engena kenehagoc, imocac dengereni.

Mitiyegec 145:3

Kebu ye engenatoa amma damu damuyagoc. Ngic mongngo yeac negen negeng nga siriha naric mi arenggema negentegerude, kpac. Kebu eriendzong memibesonga.

Mitiyegec 147:5

Kebunina ye damu damuyagoc nga ye kuha engena yombong. Ngic mongngo yeac negen negentegecac kpetea naric mi meude, kpac.

Mitiyegec 2:6

“Foracngoc, ni ngictauna neac Tsion tiki kpetiacfu bic faiba tacde.”

Mitiyegec 30:1

Kebu ge keme kemeaunac tainuna ereduaac afegubade. Geng ngabafocna kpae heiyemmena yeneng neac amma ubangerec mi meficgebisia.

Mitiyegec 42:1

Kate burumakabisicngo dokuac ammiu doku hofocande, ubaonganango ifi isoc Anutu ge hofocgude.

Mitiyegec 46:1

Anutu ye sufu sufuamanina nga kucnina. Ye ebicnasou nenigoc nasosoc kecma meficnunuude.

Mitiyegec 46:4

Doku mong mahama Anutuac taonnu sogac sogai meficgede. Anutu Engenatoango kpetiac ama imohai kecde.

Mitiyegec 47:8

Anutu ye ngictau amma bangec monnunac ngicngacareng kucgoc garengyunuma kecde. Ye ngictau tataha kpetiacfu tacde.

Mitiyegec 65:1

O Anutu, Tsion taonnu ge eriendzong megembesonga nga geac kicfu namma dedzegeninaac fora modacbisina.

Mitiyegec 78:68

Yehuda areng meisinggeec. Ye Tsiontikiac songo negendeac imoc meisinggema

Mitiyegec 86:10

Ge mocgungo Engenatoa kecma faka bibiagoc mekecnec amma geng Anutu.

Mitiyegec 87:1

Kebungo tiki kpetiacfu taong mong faiu fede.

Mitiyegec 87:3

O Anutuac taong, geac yoacsiduc imoc damuyagoc. Selac

Mitiyegec 96:4

Kebu ye engenatoa imocac ye oyang boyang memibesonga. Ye tatahau wi yombong tacma anutu hania hania feracyunudacdeac ye kengec nga eweheiheigoc hoanggebesonga.

Mitiyegec 99:9

Kebu Anutunina ye kpetiac. Ngeni imocac amma afehema tiki kpetiacfu emma fafoc heimima numumibisia.

Owadya 1:17

Anu goa worama Tsiontikiu enggecde. Amma bangec imocngo yeneac kpataning bangec ambesande. Ammanu Yacakowac areng yeni bangecngina monggoc tigec enude.

Mika 4:1

Naso wisic wisickeau Kebuac womonggac tikingo engena amma tiki sasawa yeneac botucfu feracyunuma nanu, ngiha ngiha yeneng yearu kembesandae.

Dzekarya 8:3

Imocac ni monggoc Tsionnu dzigenema Yerusalaimgac botuhau tacbesandua. Ihai tacba yeni Yerusalaimgac kpara, “Yoac foraac taong,” ifi debesandae amma kurumenggac wasaiareng habuya habuya yeneac Kebu neac tikiac kpara, “Kpetiac tiki,” ifi debesandae.

Mataio 24:15

Profete Danierengo wiac mangac manganea imocac yoac warac deec, imocngo ama kpetiacfu nanu hembesandae. Ngic mong ye yoac yomoc osoude, yeng imoc negentegecbeso.

Hebiraio 12:22

Ngeni ine tiki ifiau mong mi hagec, kpac. Ngeni Siong tiki, imoc Anutu kekehagoc yeac taong amma kurumenggac Yerusaleng, imohai sogac sogaiac tutumannu hagec.

Yohaneac kpefing 19:5

Ifi degec enacudumeng mong ngictau tatacfunac erema yofi deec, “Anutuac wanacarengfora nga ngicngac kuneng nga kapia amma ngicngac eweheimidae, ngeni dengeregec.”

Yohaneac kpefing 21:2

Ni Yohanengo taongtoa kpetiac, Yerusaleng gboria hemba Anutuarunac kurumennunac maec. Mama efaima ngac ngicfu kende, ifi isoc ewebingehaac amma siriha gombunga yombong anudeac memengere ammigec tarec.