Mitiyegec 47:6 - Deduamiti

⁶ Ngeni Anutuac oheha mema yegec heima eriendzong memima yegec heimibisia. Ngeni ngictaunina yaiyo kpemima yegec heimima dedengerecyegec heimibisia.

Yoak kekehagocac Dzadzahac gboria nga Mitiyegec

⁶ Ngeni Anutuac oheha mema yegec heima eriendzong memima yegec heimibisia. Ngeni ngictaunina yaiyo kpemima yegec heimima dedengerec yegec heimibisia.

Mitiyegec 47:6 ပူးပေါင်းရင်းမြစ်များ

Mitiyegec 145:1

Anutu ngictauna, ni afeguma geac kpac kuneng nasoya nasoya kenehekecbade.

Mitiyegec 68:4

Ngeni Anutuac yegec heibisia, ngeni yeac kpac kuneng heiwayong memima dedengerecyegec heibisia. Kebu hoennu tacma kengande, ngeni yeac kicfu sogaima yegec heima oeha memibisia.

Mitiyegec 89:18

Ngictau ye kasonina nga Kebu ye kasoninaac mingina. Ye Isracelac kpetiac ngic amma yeng neneac ngictau, yeac mingina.

Makekeng 15:21

Nga Miryamngo yegec yofi heiyemmeec, “Kebu ye firangngic engenatoa. Ye becosic nga wasaingic becosicfu tacgecmoc kondung manau ukuyunuu kemedacgec. Neni yeac yegec heimini.”

Dzekarya 9:9

O Tsionggac ngicngac ngeni sogac sogai kuneng yombong anggec. Amma Yerusalaimgac ngicngac ngeni arohoma horianggegec. Henggec, ngictaunginango ngenearu habesande. Ye dindingacngo firang amma komoc kpengunubesande. Ye donggi witiau tacdenoc. Ye donggi medahau hade nga ye fakaya memaemeemea.

Mataio 25:34

Ifi amma ngictaungo ngicngac foiugeng yofi edeyunuude, ‘Ngicngac Mannaac kenecgoc, ngeni yei hagec. Ngeni amabangecyombongngina megec, imoc bicngoc bangec hanahema fingerecfunac ngeneac negemma faifaia.

Mataio 27:37

Nga ye nanu oruha witiau maripongau kopocsicac haniaya yofi ohogec, “Yomoc Yesu, yudangic yeneac ngictau.”