Mitiyegec 45:7 - Deduamiti

⁷ Ge dindingac kekecac anggenu ngicngac Anutu ngadehema mangana megecdeac ayemmeande, yeneac faka ubagango waannec. Imocac amma Anutu, geac Anutungonoc sogac sogai kerecdokuya mema ge nga tosofocga nadzicngemmema geac witigau ine ebirangoc kpakeec.

Yoak kekehagocac Dzadzahac gboria nga Mitiyegec

⁷ Ge dindingac kekecac anggenu ngicngac Anutu ngadehema mangana megecdeac ayemmeande, yeneac faka imocac modzoga tiande. Imocac Anutu, geac Anutungonoc tosofocga yeneac botucfunac meisingguma feracyunuma sogac sogaiac kerec nadzicgenu sebigango ireckeude.

Mitiyegec 45:7 ပူးပေါင်းရင်းမြစ်များ

Mitiyegec 101:8

Ngic Anutu ngadehema mangana megecdeac ayemmeande, yeni asoacsoc bangecfu memanganeyunudacba kpac anggecde. Ni yarengic sasawa meicyunuba kpac anggecde. Yeni Kebuac taonnu mi kecbisia.

Mitiyegec 11:7

Kebu ye dindingac, imocac amma ye faka dindingacac songea negende. Nga ngicngac uba kongaha amma ikoc nga hamangecngina kpac kecdae, yeneng yeac kicmesuya henggecde.

Mitiyegec 2:2

Bangecac ngictau yeni efaigec ngicenara uayoacnginagoc, yeni kpeturanggema Kebu memagecde. Nga yeng ngic meisinggema kerecdokungo nadzicmiec, ye ifingoc memagecdeac yoac yofi deandae,

Mitiyegec 21:6

O, kenecgango yegoc nasosoc feengkecbesande. Ge yegoc kecnecac ye ubangerec negemma sogaima kefude.

Mitiyegec 33:5

Kebungo dindingac kekec nga sing dindingac modac modac fakaac songo negenude. Kebungo yoac dedzege amma imoc modackecde, yeac faka imocngo bangec sokoma fede.

Mitiyegec 89:20

Ni kingang ngicna Dawid meisinggema kerecna kpetiacngo nadzicmiai.

Mitiyegec 89:26

Yeng kpacnuma yofi deude, ‘Ge Manna nga Anutuna amma memengerecnaac hoc peperandzi seria.’

Mitiyegec 99:4

Ngictau ye kuctoayagoc. Ye faka dindingac fingerudeac ammide. Geng faka mongang mongangga kpac, imoc faina seria fede. Ge Yacakowac areng yeneac botucfu faka angammemengina isinggema yoacfu desima sing dindingac modacma yoacngina desinec.

Mataio 3:15

Ifi deu Yesungo yofi deec, “Ge yoac imoc wana, faka dindingac sasawa fora fingerudeac yaguc edeguduae, ifi anna ngereeude.” Ifi deu naric dema yoara tofohoec.

Mataio 7:23

Ifi degec yofi yombong edeyunubade, ‘Ni ngeni mi negengngunuduae. Dedeseriyoac kpekpengic, ngeni neac kicfunac meickegec.’

Ruka 13:27

Ifi degec, yeng ine monggoc edengunuude, ‘Ngeni dahacnac? Ni mi negengngunuduae. Manganameme, ngeni neac kicfunac meickegec.’

Ruka 3:22

Tiri Asungo kebesacac siric amma yearu maec. Mau kurumennunac enacudumeng mong yofi fingerec, “Ge songomedacna, ni gengsongo anggengkecduae.”

Yohane 1:16

Dedeseriyoacngo Mosegoc hau yearunac meing nga danggunuc amma yoac fora imoc Yesu Kristogoc haec. Amma ye danggunuc hafoangoc femide, imocngo nenannu wisic wisickea kpac hakecde.

Yohane 20:17

Nga Yesungo yofi edeec, “Mannaaru mi enduangoc, imocac mi kpeserenuna. Ge kemma tosofocna yofi edeyununa, ‘Ni Manna nga ngeneac Manggac amma neac Anutuna nga ngeneac Anutu, yearunoc embade.’ ”

Yohane 3:34

Anutungo ngic sueec ye Anutuac yoac deude. Imoc yofiac, Anutungo Tiri Asu hendzicma nobohasac kpeteagoc mema mi yemmeude, kpac.

Aposoro 2:28

Geng kekecac sing kpounennec. Geac kicfu sogac sogai hafoangoc fede nga foigaugeng ubangerec feengkecbesande.’ (Myeg 16:8-11) Yoac imoc Dawidingo dekperagiec.

Roma 8:29

Imoc yofiac, Anutungo ngicngac bic negengyunuec, yeni meisingyunuu yadiseri amma yengena Medaha isoc anggecdeac desiyunuec. Medahango munafora homac yeneac waracdacngina anudeac ifi arenggeec.

Efeso 1:3

Nenang Kebunina Yesu Kristo, yeac Anutu Manggac kenehebisina. Kristogoc kpeturanggema kecdimbeac amma yeng kurumenggac kenec Asuac arennu fedacde, imoc sasawa nemmeec.

Hebiraio 1:9

Ge dindingac kekecac anggengande nga singyoac kpekpe, imocac ine ubagango waannec. Imocac amma Anutu, geac Anutungonoc sogac sogai kerecdokuya mema ge nga tosofocga nadzicngemmema geac witigau ine ebirangoc kpakeec.” (Myeg 45:6-7)

Hebiraio 2:14

Yesungo homec nga mangana mingina memanganeudeac homeec. Anutuac nambaracfora nenang sebifusininagoc nga ye siric ifiangoc sebifusiagoc anec, ifi anecac amma mangana mingina naric memanganeec.

Hebiraio 7:26

Anu womonggarengtoa yennoc naric meficnunuude. Ye kpetiac nga kopocsiha kpac, kongaha amma wononga kpac. Anutungo ye ngic kopocsicmeme yeneac botucfunac meickeu ye kurumeng sasawa fekende, imoc feracyunuma wi kecde.

Yohaneac kpefing 21:27

Amma wiac mong wonongagoc nga ngicngac angammemengina mangac manganea amma ikocnginagoc, yeneng taongtoa imocac manau naric mi enggecde, kpac. Ngicngac kpacngina ramamedahaac kekecac kibiu fede, yenengsac embesandae.