Mitiyegec 45:6 - Deduamiti

⁶ O Anutu, geac ngictau tatacga imoc wisic wisickea kpac amma feengkecbesande. Ge eucererenggaac ngictauyasuga mena yoacga imoc monde mondea kpac.

Yoak kekehagocac Dzadzahac gboria nga Mitiyegec

⁶ O Anutu, geac ngictau tatacga imoc wisic wisickea kpac amma feengkecfu ge ngicngacfocga ngictauyasugango garengyununade amma yoacga imoc monde mondea kpac.

Mitiyegec 45:6 ပူးပေါင်းရင်းမြစ်များ

Mitiyegec 145:13

Geac eucerereng imoc nasoya nasoya feengkefu geng ngictauac kucngo garengyunukecnec, imoc ngic fingecsahenina fekefude, imocacsoc feengkecbesande. Kebungo yoara sasawa deec, imoc modarude nga faka angammemea imoc ubangerecgoc.

Mitiyegec 89:29

Ni Dawidac nambarac nga esamedac fingeckecgecdesoc tatacnginau faiyunuba nasoya nasoya seria tacgecde. Yeac ngictau tatac nanggeba nasoya nasoya fekefu kurumenga kurumenga yeneac wenac dafiguc fede, kpetea ifi isoc ambesande.”

Mitiyegec 93:2

O Kebu, geng ngictau tatacga bicngoc tatahau faina seria feu ge nasoya nasoya kecnec nga kecbesannec.

Mitiyegec 98:9

Kebungo desi desi ua meudeac bangecfu hade. Imocac yeac kicfu yegec heibisia. Ye faka dindingacfu bangectoa bangecac ngicngacareng isingyunuma yoacngina desima monde mondea kpac kecma ngiha ngiha faka angammemengina isinggema yoacfu desiude.

Danicel 2:44

Anu ngictau, imoc yeneac nasou kurumenga kurumengaac Anutungo eucerereng mong fefeseri feudeac faiude, imoc naric mi kpetotiebesandae. Nga imoc garenggegecdeac kuc ngicngac mong mi yemmegecde. Eucerereng imocngo eucerereng sasawa imoc kpedzamedaru kpac anggecde. Nga yengena ine fefeseri febesande.

Bangec kisiu 24:8

Anutungo Aigitabangecfunac hesicyunuu eregec kuc imoc kateburumakangiwaac kuc ifi isoc yemmeec. Yeni ngabafocngina bangeha bangeha neyunudacgecde, yeni sicngina hetackema tebemedahanginango kpesariyunubesandae.

Yohane 1:1

Hanac hanaheaunacngoc enacyoacngo kefec nga enacyoac ye Anutugoc kefec amma enacyoac ye Anutu.

1 Timoteo 3:16

Negen negensinninaac hania imoc sufu sufuyau feec: Ye kuneng nga engena yombong, imoc fora. Ye sebiu fingectegerec nga Asungo haniaya dindingac imoc nonongkac mekperagiec. Angero yeneng ye henggec. Ngicngac yeni yeac siduc bangec monnunac ngicngac, yenearu dekperagigec bangec noboc noboc kenu negensinggegec. Ye Anutuac kuc nga kibikperagiau monggoc meemma ihai kecde.

Yohaneac kpefing 19:11

Imocac witiau kurumeng anggeu henai. Hemba ngic mong becosic mong kongac kongac, imocac witiau tarec. Nga tarec, yeac kpac yofi, Yoacdedea modackecde nga Yoac fora modackecde. Amma ye ngicngac yoacfu faiyunuude nga dzikacfu kecma faka dindingac modarude.