Mitiyegec 43:1 - Deduamiti

¹ O Anutu, ngic Anutu wama kecandae, yeneng memanubauac geng nanggenuna firang ambesare. Ge ngic ikocnginagoc nga ngic faka dindingac mi modacandae, yeneac mariunac mesinuna.

Yoak kekehagocac Dzadzahac gboria nga Mitiyegec

¹ O Anutu, ngic Anutu wama kecandae, yeneng memanubauac geng nanggenuna firang ambesare. Ge ngic ikocnginagoc nga ngic faka dindingac mi modacandae, yeneac mariunac mesinuna.

Mitiyegec 43:1 ပူးပေါင်းရင်းမြစ်များ

Mitiyegec 140:5

Ubakpekpe ngic yeneng botac mong mesufuma faima menubeso angkecdae. Yeni witic mema ufic faima suba sing tegiau faima menubeso angkecdae. Selac

Mitiyegec 26:1

O Kebu, ni dindingac kecma kopocsic mong mi meficgeaiac nanggenuna yoacfu firang ambesare. Ni seria namma Kebu negenserima kecanduae.

Mitiyegec 35:1

O Kebu, ngic yoackpekpe anendae, yeni yoackpekpe ayemmebesena. Nga ngic nigoc eweandae, ge yenigoc ewema yunubesena.

Mitiyegec 35:24

O Kebu Anutuna, ngabafocna yeneng dedzomoc anembauac fakaga dindingac modacma nanggenuna yoacfu firang ambesare.

Mitiyegec 5:6

Geng ngic ikocyoac deandae, yeni kpetotieyununa kpac anggecde. Nga ngic ogofocngina kpebucyunuma sac hembeso ayemmeande nga ogofocngina tobangyunuandae, ngic ifia yeni Kebungo ubango wayunuude.

Mitiyegec 54:3

Kuricngic yeni yacma nubeso andae nga ubakpekpe ngicngo Anutuac negenggec engena mi angkecde, yeneng ngaba anemma kpebucnubeso andae. Selac

Mitiyegec 7:7

Ngicngac yeni kicgau hama kpeturanggegec ge wi kurumennu ngictau tatacgau tacma garengyununa.

Mitiyegec 7:8

Kebungo ngiha ngiha sasawa faka angammengina isinggedacma foraya deude. O Kebu, ni dindingac kecma kopocsic mong mi meficgeai. Ge imocac faka angammemena yoacfu isinggema foraya dena faka dindingac meficgenenna firang ambesare.

Mitiyegec 7:9

O, gennoc Anutu dindingac amma ngicngac negen negengngina nga herenginaac hengising mingina. Geng ngic mangana megedeac ayemmeande, yeneac yarefakaac kpae heina kpac ambeso nga ge ngicngac dindingac tatacngina meficgema faiyununa ihai seria tacbisia.

Mitiyegec 71:4

O Anutuna, ge yarengic yeneac mariunac mesinuna. Ngic singkpekpe nga godzungic yeneng menugec geng maringinaunac mesinuna.

Mitiyegec 75:7

Anutungo desi desi ua mekecma ngic mong memama ngic ogea miarude.

Mika 7:9

Ni kopocsic meficgeaiac amma Kebuac heregerecac fora meficgeduae, imocac kecma yoacna desima ihacnac memiacnuude. Amma ye kundunnunac meicnuma kperagiaugeng fainuu yeac faka dindingac hembade.

1 Korinti 4:4

Here negen negennau hofocemema ebic mong mi meficgeduae, fora. Nga ni kopocsicna kpac, imoc naric mi debade. Kebungo haniana hennegeng amma yoacna desiude.

1 Petoro 2:23

Nga yeni defagoc ammigec yeng turunga sowecyoac mong mi merenec. Nga kpendzeng kpema dekengec mong mi ayemmeec, kpac. Ye ebiha Anutungo yoac dindingac desikecde, yeac mariu faiemeec.