Mitiyegec 42:2 - Deduamiti

² Ni dokuac homeanduae, ifi isocngoc ubaonganango Anutu kekehagoc yeac ammide. Ni kemma Anutuac kicfu namma ye hembade, naso imocac homac yombong tomai kecduae.

Yoak kekehagocac Dzadzahac gboria nga Mitiyegec

² Ni dokuac homeanduae, ifi isocngoc ubaonganango Anutu kekehagoc yeac ammide. Ni kemma Anutuac kicfu namma ye hembade, naso imocac homac yombong tomai kecduae.

Mitiyegec 42:2 ပူးပေါင်းရင်းမြစ်များ

Mitiyegec 27:4

Ni wiac mocgu imocac Kebu numumima dekpesi ammima imoc hofockecduae, imoc yofi, ni Kebuac amau nasosoc tacyac amba kekecnasona wisickebeso. Ni yeac siriha gombunga yombong, imoc hemma yeac womonnu ye hembadeac anende.

Mitiyegec 43:4

Ifi anu ni Anutuac aratau kembade. O, sogac sogaitoaac Anutuna, ni gearu kemma gita kpema dengeregubade. O Anutu, ge Anutuna.

Mitiyegec 63:1

O Anutu, neac Anutuna, ni ge hofocgukecduae, imoc bangec gbangge gbanggeango dokuac ammiande, ni geac ifi isoc anende.

Mitiyegec 63:3

Geng yoac dedzege amma imoc modackecnec, fakaga imocngo kekec ferahadeac amma dengeregubade.

Mitiyegec 84:10

Imoc yofiac, ni geac sobenggau uameme mocgu kecbade, imocngo ama goau uameme tausengngoc kecbai, imoc ferahade. Ni Anutunaac nagugareng nambeso anende nga ngic Anutu ngadehema mangana megecdeac ayemmeande, yeneac kporuc amanginau naric mi kecbade.

Mitiyegec 84:2

Kebu, ni ongaasunango geac womong sobenggaac ammiu imohai kebadeac homema kecde. Ni heresebinango Anutu kekehagoc, yeac sogac sogai yegec heide.

Mitiyegec 84:4

Ngicngac geac amau kecdae, yeni kenecnginagoc amma yeni nasoya nasoya dengereguma yegec heigengkecdae. Selac

Mitiyegec 84:7

Yeni kuc meficgema kuc monggoc nga monggoc torokpema mema kengkecma anutu hania hania yeneac Anutu Tsionnu henggecde.

Makekeng 23:17

Ngic sasawa ngeni kifa mocguac manau Kebungina, imocac negensima Kebuac kicfu kemma nanggec atac harebec ambeso.

Danicel 6:26

Ni kibi yomoc ngemmema yoacseria mong yofi faiduae, ngicngac neac eucererennu noboc noboc kecdacdae ngeni Danicelac Anutuya yeac kicfu dzonong fedefede nga damugoc kecbisia, Yennoc Anutu kekehagoc ye kecengkefude nga kecbesande. Yeac eucerereng imoc naric mi kpetotiebesandae. Yeng Ngictaungina amma ngicngac garengyunuma kecde, faka imoc nasoya nasoya fekengkecbesande.

Yohane 5:26

Manggac yengenaaru kekec fede, siriha imocngoc yeng kekec Medac miu Medacaru ifingoc kekec fede.

Yohane 7:37

Hombang wisic wisickea, imocac nasoyadau Yesungo mama yoac kucgoc yofi deec, “Ngic mong ye dokuac homeandeu ye nearu naric hama nebeso.

1 Tesaronike 1:9

Neni yenearu kenni yeni yenaoc Tesaronike ngeneac siduc yofi edenunugec, “Pauro ogohoragoc ngenearu hagec ngeni heitaiyunugec. Amma ngeni Anutu kekehagoc nga yoara foragoc yeac wanacareng anggecdeac nemungina hania hania wama Anutuaru kenggec.

Yohaneac kpefing 22:1

Imocac witiau angerongo doku mong mafefea kekecac dokugoc edzacnuec. Doku imocngo gontaning pirac pirac amma Anutu nga ramamedaha yereac ngictau tatacfunac erema