Mitiyegec 40:6 - Deduamiti

⁶ Ge sesegerec nga kopocsicac sese hania haniaac mi anggengkefec. Ge sese dema yang nga burumaka hafoa oho oho me kopocsic meic meickeac sese, imocac mi kpesiannec. Geng kedzacna mesarinec, imocac ni geac kingang ngic amma kecbade.

Yoak kekehagocac Dzadzahac gboria nga Mitiyegec

⁶ Ge sesegerec nga kopocsicac sese hania haniaac mi anggengande. Ge sese dema yang nga burumaka hafoa oho oho me kopocsic meic meickeac sese, imocac mi kpesiannec. Geng kedzacna mesarinec, imocac ni geac kingang ngic amma kecbade.

Mitiyegec 40:6 ပူးပေါင်းရင်းမြစ်များ

Mitiyegec 139:17

O Anutu, geng wiac negensiannec, imocac negemba wiac engenatoa ande. Imocac ni imoc kpeturanggeba kpetea engena yombong fingerude.

Mitiyegec 139:18

Imoc homac yombong sangi ferahadeac imoc osobesonga osiduae. Nga gborima yacbade, imoc gegocngoc kecbade.

Mitiyegec 50:8

Ngeni ubangerecac sese meandae nga neac sese ohogec imoc hengkecduae. Ni ine wiac monggac negemma gorongina kpeduae, imoc yofi, ngeni Anutu Engenatoaac kpacfu wiac deserima dema imocac fora mi meficgegec.

Mitiyegec 51:16

Ni sesegerec megemba ge imocac songo mi negennade nga sese dema hosuc ohogemba ge imocac negenna ifingoc mi ngereebac.

Mitiyegec 71:15

Enacnango fakaga dindingac edeyunuba geac memengerec uagaac kpetengo engena anu imoc naric mi osobade. Ni asoacnac kemma marai imoc dekperagibade.

Makekeng 21:6

Ifi deudeu kunengango Anutuac kicfu fau nambeso. Nga naguu me nagu sangoyau fau nammanu kunengango kedzaha aiengbisicngo kpesaribeso, ifi ammiu yeac wanacngic hombananga yombong amma nasosoc kecbeso.

Amosi 5:22

Ngeni hosuc heiheiac sese me wit nga baliac sese menenggecdeu, ni mi negengngemmebade amma yang gbofoma ubangerecac sesegerec ohonenggecdeu, neng imoc hafoangoc mi hoanggebade.

Mataio 12:7

Nga yoac yofi oho ohoya fede, ‘Ngeni wosoefac ayemmedae, imocac anende nga sesegerecac ine mi anende.’ (Hos 6:6) Ngeni yoac imoc negentegecbau dede ngeni ngic kopocsiha kpac, ye mangana mi demibau.

Mataio 9:13

Ngeni kemma yoac yofi fede, imocac negen negeng megec, ‘Ni sesegerec meandae, imocac mi anende. Ngicngac wosoefac angemeandae, imocac anende.’ (Hos 6:6) Imoc yofiac, ni ngic dindingac kpacyunubadeac mi mayai, kpac. Ni ine ngicngac kopocsicnginagoc kpacyunubadeac mayai.”