Mitiyegec 4:5 - Deduamiti

⁵ Ngeni sese sirihau meficgema faima Kebu negenserima kecbisia.

Yoak kekehagocac Dzadzahac gboria nga Mitiyegec

⁵ Ngeni sese sirihau meficgema faima kebu negenserima kecbisia.

Mitiyegec 4:5 ပူးပေါင်းရင်းမြစ်များ

Mitiyegec 2:12

Medac ye herebu bic angkecde. Yeng ngaba angemmeu ngeni sinnu manganema kpac ambauac haniau ngonducnema titikokoc ammibisia. Ngicngac yeac hoannu sufuma kecdae, yeni kenecnginagoc.

Mitiyegec 26:1

O Kebu, ni dindingac kecma kopocsic mong mi meficgeaiac nanggenuna yoacfu firang ambesare. Ni seria namma Kebu negenserima kecanduae.

Mitiyegec 37:3

Ge Kebu negenserima kecma faka gombunga angkecbesena. Ge ifi amma bangecfu naso herea kecma bangec imocac hoannu sufuma ruaegoc kecnade.

Mitiyegec 50:14

Ngeni Anutu ubangerec ammigec imocngo sesengina ambeso. Ngeni Anutu Engenatoaac kpacfu wiac deserima dema imocac fora meficgegec

Mitiyegec 51:19

Ge ifi anna sese gombunga nga dindingac megenni imocac negenna ngereeu sese ohogemma seseyang hafoangoc ohogennide. Neni sese dema burumakangiwa aratagau faiyunuma ohogennide.

Mitiyegec 62:8

O ngicngac, ngeni nasoya nasoya Anutu negenserima kecbisia. Yeac hoannu kemma sufuma kecnide. Ngeni herenginau wiac sasawa fedacde, imoc ye edebisia. Selac

Mitiyegec 77:7

“Kebu ye nasoya nasoya wanuma gombunga monggoc mi anenude.” ni negengyohoc amma ifi negemma kecduae.

Malecaki 1:8

Ngeni sese ohogecdeac ramaburumaka kicpisic me hanimangang me hafeiagoc ifia faigecdeu imoc sing sege segea ande. Ngeni ramaburumaka ifia gawananginaac faigecdeu ye imocac songo mong mi negenude amma imocac ubangerec mong naric mi dengemmeude.

Mataio 5:23

Ge imocac amma ubangerecgaac wiac Anutuaru faibeso dema yofi ambesena. Aratau kemma ogoga geac ngaba mekecde, imoc negensinadeu ge sesega arata kiwau wana taru kemma ogogagoc yoac mengerena. Mengerena ruae fingeruguc hama ubangerecgaac wiac faibesena.

1 Petoro 4:19

Ngicngac Anutungo negengyemmeu kpendzeng kpeandae, yeni angammeme gombunga angkecma ubaongangina hafoangoc Anutu bangec nga kurumeng meficgeec, yeac mariu faibisia, nocac ye dedzegeyoara mi waude, kpac.